Aylıq namaz vaxtları
2. 026 dəfə oxunub ,   0 şərh   Çap et

Sual: İmama tabe olan şəxs “təhiyyat”dan sonrakı duaları oxumadan imam salam versə nə etməlidir?

Cavab: Rəsulullah (s.ə.s) müsəlmanları camaatla namaza təşviq edərək belə buyurmuşdur: “Camaatla qılınan namaz, təkbaşına qılınan namazdan iyirmi yeddi dərəcə daha fəzilətlidir.”[1] Namazın bütün rükətlərini imamla birlikdə qılan şəxsə müdrik deyilir. İmama ən gec ilk rükətin rükusunda yetişən şəxs həmin rükətə çatmış sayılır. Bu şəxs ayaq üstə iftitah təkbiri almış və imam rükuda olarkən rükuya getmişsə, o rükəti tam qılmış sayılır. İmama ilk rükətdə tabe olan şəxs namazın sonunda təhiyyatdan sonrakı “salli-barik” və ya “rabbənə” dualarını oxumadan imam salam verərsə, həmin duaları özü oxuyandan sonra namazını tamamlaya və ya həmin duaları oxumadan imamla birgə salam verə bilər. Çünki namazda ilk və son oturuşda sadəcə “təhiyyat” oxumaq vacibdir. “Salli-barik” dualarını oxumaq isə sünnədir. “Təhiyyat”dan sonrakı dualar oxunmasa da namaz pozulmur.

[1] Buxari, Azan, 30; Müslim, Məsacid, 345; Tirmizi, Səlat, 47; Nəsai, İmamət, 42; İbn Macə, Məsacid, 16; Darimi, Səlat, 56; Malik, Müvəttə, Camaat, 1.

 




Bənzər məqalələr

Duha namazı

Rəsulullah (s.ə.s) beş vaxt fərz namazdan əlavə nafilə namazlar qılaraq ibadət həyatını gözəlləşdirmişdir. Peyğəmbərimizin (s.ə.s) qıldığı nafilə namazlardan biri də duha namazıdır. Duha kəlməsi ərəb dilindən tərcümədə “səhər və ya quşluq vaxtı” deməkdir. Quranın 93-cü surəsi də “Duha” surəsidir. Duha namazına quşluq namazı da deyilir.

Tilavət səcdəsi

Qurani-Kərimdə on dörd səcdə ayəsi var. Bu ayələrdən hər hansı birini oxuyan və ya dinləyən səcdə etməlidir. Həmin səcdəyə tilavət səcdəsi deyilir.

İmsak vaxtı nədir?

İmsak dan yeri ağarmağa başlayandan (imsak vaxtından), iftar (axşam namazı) vaxtına qədər ibadət niyyəti ilə yemək, içmək, cinsi əlaqə və digər orucu pozan şeylərdən uzaq durmaq deməkdir. İmsakın ziddi iftardır.

Təravih namazı 20 rükətdir

Kim Ramazanda inanaraq və savabını Allahdan gözləyərək, Onun rizasını qazanmaq üçün qiyam edərsə (təravih namazı qılarsa), keçmiş günahları bağışlanar.

Nə üçün namaz?

İnsan yaradılış baxımından çox zəifdir. Hər şey ona təsir edib əziyyət verir. İnsan həm də acizdir. Düşmənləri və bəlaları saysız-hesabsızdır. İnsan xəstəliklər, təbiətdəki fəlakətlər, ölüm qarşısında gücsüzdür.


Şərh yaz