Aylıq namaz vaxtları
6. 365 dəfə oxunub ,   0 şərh   Çap et

Həzrət Əlinin (kərrəməllahu vəchəhu) “Fərəc” duası

إلَهِى! طُمُوحُ الْاَمَالِ قَدْ خَابَتْ إِلَّا لَدَيْكَ ، وَعُكُوفُ الْهُمُومِ قَدْ تَعَطَّلَتْ إِلَّا  عَلَيْكَ  وَمَذَاهِبُ النُّفُوسِ قَدْ ضَلَّتْ إِلَّا إِلَيْك فَأَنْتَ الْمَلْجَأُ وَإِلَيْكَ الْمُلْتَجَا يَا أَكْرَمَ مَقْصُودٍ وَأَجْوَدَ مَسْؤُولٍ ، هَرَبْتُ إِلَيْكَ بِنَفْسِى ، أَتَيْتَ بِأَحْمَالِ الذُّنُوبِ ، فَاحْمِلْهَا عَنْ ظَهْرِي يَا مَلْجَأَ الهَادِينَ لَا أَجِدُ شَافِعًا إِلَيْكَ إِلَّا بِمَعْرِفَتِي بِأَنَّكَ أَكْرَمُ مَنْ قَصَدَ إِلَيْهِ المُّضْطَرُّون ، وَأَمَلَ مَا لَدَيْهِ الرَّاغِبُونَ. ياَ مَنْ فَتَقَ الْعُيُونِ بِمَعْرِفَتِهِ ، وَأَنْطَقَ الْاَلْسُنَ بِحَمْدِهِ ، وَجَعَلَ مَا امْتَنَّ بِهِ عَلَي عِبَادِهِ كِفَاءً لِتَأْدِيَةِ حَقِّهِ، لَا تَجْعَلْ لِلْهُمُومِ إِلَي قَلْبِي سَبِيلًا، وَلَا لِلْبَاطِلِ عَلَي عَمَلِي دَلِيلًا، وَاخْتِمْ لِي بِخَيْرٍ يَا أَرْحَمَ الرَّاحِمِينَ.

Rəhman və Rəhim Allahın adıyla
Ey Rəbb! Sənin cavab vermədiyin bütün arzu və xəyallar boşdur, dəyərsizdir. Sənin nəticəsini vermədiyin cəhdlər də  elə hey boşa çıxar. Yolçusunu Sənə qovuşdurmayan yollar zəlalətdən başqa bir şey deyildir  və o yollara  bir dəfə  düşən – Sənin inayən olmasa – çıxış yolu tapmaz. Həqiqi qurtuluş yerimiz Sənin dərgahındır. Ancaq Sənin uca dərgahına sığınırıq. Ey qayə seçilənlərin ən kərimi və qapısında əl açılanların ən comərdi olan Allahım! Uca dərgahına pənah gətirirəm. Belimi bükən günah yüküylə hüzuruna gəlmişəm. “Aman, aman” deyərək bu qalaq-qalaq günahların xəcalətindən məni qurtarmanı istəyirəm. Rəhmət və şəfqəti doğru yolda addımlayanların sığınacağı olan Uca Rəbbim! Sən çarəsiz və möhtac halda qapıya gələnlərə ən kərim davranansan. Sənin kərəmindən üstün kərəm yoxdur. Sənin sadiq qulların başqalarının qapısına üz tutmaz, yalnız Sənin ucalardan uca qatındakı misilsiz ərmağanlarını arzularlar. Mən də bu düşüncələri şəfaətçi edərək hüzuruna gəldim. Əl açıb, bel büküb yalvarıram: Ey bəndələrinin gözlərinə mərifət bağçalarını göstərən və dillərini həmdlə coşduran mərhəmətlilərin ən mərhəmətlisi Allahım! İzin vermə ki, kədər və qüssə oxları qəlbimi yaralasın. Arzularıma çatmağa çalışarkən batil yollara düşməkdən  məni qoru və bütün işlərimi də, ömrümü də gözəl nəticələndir! Amin!



Açar sözləri

dua Fərəc duası Hz.Əli

Bənzər məqalələr

Dua, Dua, Dua – 2

Bəxtinə düşdüm, ey yeganə Mətlubum, Məqsudum, Məhbubum; nə olar, tövbəmi qəbul eylə, qəlbimə təkrar həyat bəxş eylə!

Dua, dua, dua – 4

Allahı‎m! Gördüyümüz bütün iş‏lərin axırını xeyirli eylə, onları ehsan ş‏uuruyla (hər an bizi müşayət etdiyini düşünərək) görməyi bizi müyəssər eylə!

Dua, dua, dua – 3

Hər cür xətadan, günah və üsyandan Rəbbimizin xoşlanmadığı hallardan, qul olaraq da bizə yaraşmayan davranışlardan min dəfə Əstəğfirullah edir, bağışlanma diləyirik.

Dua və Quran oxumaqla müalicə

Sual: Xəstəni dua və Quran oxumaqla müalicə etmək olarmı?
Cavab: Dua ilə müalicə olunmaq caizdir. Allah-Təala “Biz Qurandan möminlər üçün şəfa və mərhəmət olan ayələr nazil edirik”, – buyuraraq Quranın şəfa olduğunu bəyan edir…

Dua dua dua

Rəhməti, mərhəməti, rəfət və şəfqəti sonsuz Allahım! Dərgahındakı yerimi ucalt, dərəcəmi artır və məni əsfəli-safilinə düşən bədbəxtlər kimi olmaqdan qoru!


Şərh yaz