Aylıq namaz vaxtları
572 dəfə oxunub ,   0 şərh   Çap et

“O (müttəqilər) ki, bir günah işlədikləri, yaxud özlərinə zülm et­dik­ləri zaman Allahı yada salıb günahlarının bağışlanmasını istəyərlər. Günahları Allahdan başqa kim bağışlaya bilər? Onlar etdikləri əməllərdə (günahlarda) bilə-bilə israr etməzlər.”

(Ali İmran, 3/135)

Münacat

 بِسْمِ اللهِ الرَّحْمَنِ الرَّحِيمِ وَبِهِ الْإعَانَةُ . إِلَهِي أَلْبَسَتْنِي الْخَطَايَا ثَوْبَ مَذَلَّتِي َوجَلَّلَنِي التَّبَاعُدُ مِنْكَ لِبَاسَ مَسْكَنَتِي، وَأَمَاتَ قَلْبِي عَظِيمُ جِنَايَتِي، فَأَحْيِهِ بِتَوْبَةٍ مِنْكَ يَا أَمَالِي وَبُغْيَتِي وَيَا سُؤَلِي وَمُنْيَتِ فَوَعِزَّتِكَ مَا اَجِدُ لِذُنُوبِي سِوَاكَ غَافِرًا وَلَا اَرَي لِكَسْرِي غَيْرَكَ جَابِرًا، وَقَدْ خَضَعْتُ بِالإِنَاَبةِ إِلَيْكَ، وَعَنَوْتُ بِالْاِسْتِكَانَةِ لَدَيْكَ فَإِنْ طَرَدْتَنِي مِنْ بَابِكَ فَبِمَنْ أَلُوذُ، وَإِنْ رَدَدْتَنِي عَنْ جَنَابِكَ فَبِمَنْ أَعُوذُ، فَوا أَسَفَاهُ مِنْ خَجْلَتِي  وَافْتِضَاحِي، وَوَا لَهْفَتَاهُ مِنْ سُوءِ عَمَلِي وَاجْتِرَاحِي، أَسْأَلُكَ يَا غَافِرَ الذَّنْبِ الْكَبِيرِ، وَيَا جَابِرَ الْعَظْمِ الْكَسِيرِ، أَنْ تَهَبَ لِي مُوبِقَاتِ الْجَرَائِرِ، وَتَسْتُرَ عَلَيَّ فَاضِحَاتِ السَّرَائِرِ، وَ لَا تُخَلِّنِي ِفي مَشْهَدِ الْقِيَامَةِ مِنْ بَرْدِ عَفْوِكَ وَغُفْرَانِكَ، وَ لَا تُعْرِنِي مِنْ جَمَالِ صَفْحِكَ وَسَتْرِكَ. إِلَهِي، ظَلِّلْ عَلَى ذُنُوبِي غَمَامَ رَحْمَتِكَ، وَأَرْسِلْ عَلَى عُيُوبِي سَحَابَ رَأْفَتِكَ * إِلَهِي، هَلْ يَرْجِعُ الْعَبْدُ الْأَبَقُ إِلَّا إِلَى مَوْلَاهُ، أَمْ هَلْ يُجِيرُهُ مِنْ سَخَطِهِ أَحَدٌ سِوَاهُ * إِلَهِي، إِنْ كَانَ النَّدَمُ عَلَى الذَّنْبِ تَوْبَةً فَإِنِّي وَعِزَّتِكَ مِنْ النَّادِمِينَ، وَإِنْ كَانَ الْاِسْتِغْفَارُ مِنَ الْخَطِيئَةِ حِطَّةً فَإِنِّي لَكَ مِنَ الْمُسْتَغْفِرِينَ، لَكَ الْعُتْبَى حَتَّى تَرْضَى * إِلَهِي، بِقُدْرَتِكَ عَلَيَّ تُبْ عَلَيَّ، وَبِحِلْمِكَ عَنِّي أُغْفُ عَنِّي وَبِعِلْمِكَ بِيَ اُرْفُقْ بِي * اِلَهِي، أَنْتَ الَّذِي فَتَحْتَ لِعِبَادِكَ بَابًا إِلَى عَفْوِكَ، سَمَّيْتَهُ “التَّوْبَةَ” فَقُلْتَ:

«تُوبُوا إِلىَ اللهِ تَوْبَةً نَصُوحًا» فَلَا عُذْرَ لِمَنْ أَغْفَلَ دُخُولَ الْبَابِ بَعْدَ فَتْحِهِ * إِلَهِي، إِنْ كَانَ قُبْحَ الذَّنْبِ مِنْ عَبْدِكَ فَلَحُسْنُ الْعَفْوِ مِنْ عِنْدِكَ * إِلَهِي، مَا أَنَا بِأَوَّلِ مَنْ عَصَاكَ فَتُبْتَ عَلَيْهِ، وَتَعَرَّضَ لِمَعْرُوفِكَ فَجُدْتَ عَلَيْهِ، يَا مُجِيبَ الْمُضْطَرِّ يَا كَاشِفَ الضُّرِّ يَا عَظِيمَ الْبِرِّ يَا عَلِيمًا بِمَا فِي السِّرِّ، اِسْتَشْفَعْتُ بِجُودِكَ وَ كَرَمِكَ إِلَيْكَ، وَتَوَسَّلْتُ بِجَنَابِكَ وَتَرَحُّمِكَ لَدَيْكَ، فَاسْتَجِبْ دُعَائِي وَلَا تُخَيِّبْ فِيكَ رَجَائِي، وَتَقَبَّلْ تَوْبَتِي، وَكَفِّرْ خَطِيئَتِي بِمَنِّكَ وَرَحْمَتِكَ يَا أَرْحَمَ الرَّاحِمِينَ *

Rəhman və Rəhim Allahın adıyla. Yardım yalnız Ondandır. İlahi! Etdiyim xəta və günahlar ruhuma zillət libasını geyindirdi. Səndən cüda düşüncə əliboş, miskin qaldım. Hədd-hesaba gəlməyən, böyük qəbahətlərim qəlbimi qapqara hala gətirdi.

Bəxtinə düşdüm, ey yeganə Mətlubum, Məqsudum, Məhbubum; nə olar, tövbəmi qəbul eylə, qəlbimə təkrar həyat bəxş eylə! And olsun ki, günahlarımı əfv edib, yaralarıma dərman ola biləcək Səndən başqasını tanımıram. Bax budur, qapına gəldim. Boyun büküb, iki bükülüm olub əfvinə sığınıram. Əgər məni qapından qovsan, mən hansı qapıya gedim, kimə sığınım?!

Elə olsa, vay mənim halıma! Nə qədər utanılacaq vəziyyətdəyəm. Vay mənim başıma gələnə, nə qədər günah dəryasına qərq olmuşam. Rəbbimin razı olmadığı yerlərdə nə qədər çox dolaşmışam!

Ey ən böyük günahları belə bağışlayan və param-parça olmuş qəlbləri şəfqət və mərhəməti ilə sarıb-sarmalıyan Rəbbim! 

Səndən, en betər günahlarımı belə əfv edib bağışlamanı, üzümə vurmamanı istəyirəm. Gizli sandıqların açıldığı, hər şeyin oraya saçıldığı Qiyaməti günü, məni əfv və məğfirətinin kölgəsi ilə sərinlət, o gözəlliklərdən nəsibədar eylə.

İlahi, günahlarımı rəhmət buludlarınla ört; eyiblərimin üzərinə də mərhəmət və şəfqət yağmurlarını yönəlt!

İlahi! Sahibindən qaçan bir kölə, qayıtdığı zaman öz sahibindən başqa kimə sığına bilər?! Ağasının qəzəbindən onu kim qoruya bilər? Mən də Sənin qulun, kölən qapına gəldim.

Rəbbim! Əgər günahlara tövbə etmənin ölçüsü peşmanlıqdırsa, and olsun ki, mən elədiklərimdən min kərə, yüz min kərə peşmanam.

İstiğfar edib Səndən bağışlanma diləməklə əgər xətalar əməl dəftərindən silinirsə, mən də səmimi qəlbdən bağışlanma diləyirəm. Naçar qalan bədənə də mərhəmət edəcəyinə ümid edirəm. Bu ümid ilə, ancaq razılığın  könlümə sürur verəcəyi ana qədər də Sənin qapını əsla tərk etməyəcəm. Allahım! Qüdrətinin haqqı üçün tövbəmi qəbul eylə. Sən Halimsən, əfv etməyi sevərsən; məni də əfv et. Acizliyimi, zəifliyimi, çarəsizliyimi görür və bilirsən; bu halıma acı, mərhəmət eylə! Allahım! Qullarına əfv və məğfirət qapılarını açan Sənsən. “Tövbə” adını verdiyin və “Ey mömin bəndələrim! Səmimi bir tövbə ilə Rəbbinizə üz tutun!” deyə əmr edən, həm də dəvət edən ancaq Sənsən. Sən, tövbə qapılarını ardına qədər açdıqdan sonra, o qapıdan dərgahına sığınmayan qafillərin, səfehlərin heç bir bəhanəsi ola bilməz.

Rəbbim! Bilirəm, Sənə inanıb, Sənə qulluq edənə günah işləmək yaraşmır. Bağışlayıb əfv etmək isə Sənin şəninə çox yaraşır.  

Rəbbim! Əlbəttə də ki, üsyan dərələrinə yuvarlanıb, sonra da günahlarından silkinib tövbə qapının toxmağını döyəcləyən; günahı nə qədər çox olsa da mərhəmətinin genişliyinə sığınan ilk mən deyiləm.

Ey günahların çoxluğu üzündən çarəsiz qalmış, dərddən iki bükülüm olmuş qullarının çağırışına cavab verən! 

Ey zərərləri  dəf edib aradan qaldıran! Ey edilən yaxşılıqları qarşılıqsız qoymayan və böyüklük sahibi Rəbbim! Ey gizlin-aşkar baş verən hər şeydən xəbərdar olan ucalardan Uca Rəbbim! Hüzuruna sərmayəsiz, əliboş gəldim; naçar, naəlac qalıb, Sənin səxavət və kərəminə sığınıram, “Kərəmkar, Sənsən, kəsmə kərəmin gədalardan.” – deyərək rəhmət dənizindən mən də pay almaq istəyirəm. Dualarıma qarşılıq ver və mənim ümidlərimi, arzu-diləyimi puç eyləmə. Tövbə qapına sığınaraq Sənə doğru olan yönəlişimi qarşılıqsız qoyma!

Ey mərhəmətlilərin Ən Mərhəmətlisi Mövlam! Bu bəndənə lütf və ehsanınla müamilə eylə, xəta və günahların əfv et, nə olar!…

(İmam Zeynülabidin, Münacatı-taibin)

 Ərzi-hal

Uca Rəbbim! Bilərək ya da bilməyərək etdiyimiz günahlardan ötrü bizə əzab etmə.. bu aciz qullarına, qəzəbinin önünə keçmış sonsuz rəhmət və fəzlinlə rəftar eylə.. bizi dünyada baş verə biləcək hər cür afətdən və rəzil-rüsvay olmaqdan, axirətdə də əzabından qoru!

Qəlbləri pislik eləməyə, ziyan vurmağa əsir düşmüş şərli insanların şərindən qoru. Günah dəryasına batdığı halda, oradan çıxmaq istəməyən facir şəxslərin hər cür hilə, məkr, aldatma və haqqımıza təcavüzdən bizlə hifz eylə!

 Zülm etməkdən, zülmə məruz qalmadan bizi siyanət eylə. Ey Rəbbim! Bildiyimiz və ya da bilmədiyimiz hər cür dünyəvi bəla və müsibətə qarşı bizə afiyət ver.. insi və cinni şeytanların pisliyindən, fitnəsindən və doymaq bilməyən nəfsin arzularından bizi qoru.. önümüzdən, arxamızdan, sağımızdan, solumuzdan, üstümüzdən, ayağımızın altından gəlməsi ehtimal olunan şeytanın hər cür ayaq oyunundan bizi mühafizə eylə, yerə yıxılıb, üzü üstə çaxılmaqdan qoru!

İnkar və yoldan çıxma halları xaric haqqımızda təqdir buyurduğun hər hal üçün Sənə həmd olsun. Nə olar, zahiri naxoş görülsə də haqqımızda təqdir buyurduğun imtahan hallarını Sənin yaxınlığını qazanmaq vəsiləsi bilməyə nəsib eylə. Hər şey alt-üst olduğu zaman, altın üstdən daha xeyirli ola biləcəyinə yəqinimizi artır. Biz bilirik nə baş verirsə təqdir edən Sənsən. Sən əsla qullarına zülm etməzsən. Təqdir olunanda da xeyir vardır. Ey Rəbbimiz! Bizi doğru yola yönəltdikdən sonra qəlblərimizə əyrilik salma və bizə, Öz tərəfindən bir mərhəmət bəxş et!

Salat və salam olsun Həzrət Muhammədə, onun pak Əhli-beytinə və əshabına.

Vəlhəmdu lilləhi Rabbil-aləmin.

Yükləmək üçün 

Dua, dua, dua -2  PDF

Dua Dua Dua 2  Word 



Açar sözləri

dua Ərzi hal Münacat tövbə

Bənzər məqalələr

Dua, dua, dua – 3

Hər cür xətadan, günah və üsyandan Rəbbimizin xoşlanmadığı hallardan, qul olaraq da bizə yaraşmayan davranışlardan min dəfə Əstəğfirullah edir, bağışlanma diləyirik.

Necə tövbə etməliyik

“Ey insanlar! Allaha tövbə edib, ondan əfv olunmağı diləyin. Çünki  mən ona gündə yüz dəfə tövbə edirəm.” “Hər insan xəta işləyə bilər. Ancaq xəta işləyənlərin ən xeyirlisi, xətalarına tövbə edənlərdir.” 

Dua və Quran oxumaqla müalicə

Sual: Xəstəni dua və Quran oxumaqla müalicə etmək olarmı?
Cavab: Dua ilə müalicə olunmaq caizdir. Allah-Təala “Biz Qurandan möminlər üçün şəfa və mərhəmət olan ayələr nazil edirik”, – buyuraraq Quranın şəfa olduğunu bəyan edir…

Dua dua dua

Rəhməti, mərhəməti, rəfət və şəfqəti sonsuz Allahım! Dərgahındakı yerimi ucalt, dərəcəmi artır və məni əsfəli-safilinə düşən bədbəxtlər kimi olmaqdan qoru!

Qul haqqı

Qul haqqı deyəndə insanın canı, malı, qeyrət və namusu, cəmiyyətdəki etibarı və s. kimi əsas haqları nəzərdə tutulur. Bunlar toxunulmazdır. Bu haqların ödənməsi ancaq haqsızlıq edən şəxsin, bütün imkanlardan istifadə edərək haqq sahibini razı salması ilə mümkündür.


Şərh yaz