2. 684 dəfə oxunub ,   0 şərh   Çap et

Sual: Canlı televiziya və ya internet vasitəsilə Kəbə imamına tabe olaraq namaz qılmaq caizdir?

Cavab: İmam ilə ona tabe olan camaat arasındakı məsafə normal uzaqlıqda olmalıdır. Əks təqdirdə imama tabe olmaq doğru deyil. İmamla ona tabe olanlar arasında bir çay, insanların və avtomobillərin keçdiyi yol və ya boş bir ərazi olarsa, yaxud Qüds məscidi kimi çox böyük bir məsciddə imam ilə imama tabe olan arsında iki və ya daha çox cərgə sığacaq qədər boşluq olarsa bu kimi vəziyyətlərdə imama tabe olmaq doğru deyil. Ancaq cərgələr yolu və ya çay üstündəki körpünü əhatə edir və boş ərazini doldurursa, bu kimi hallarda camaat imama tabe ola bilər. Girişləri ayrı olub aralarında başqa bir rabitə olmayan mərtəbələrdə də camaatın sayı çox olarsa mərtəbələr arasında rabitə meydana gələ bilər.

İmam ilə camaat və ya camaatla birinci cərgə arasında uzaqlıq çox olduqda; əgər namaz məscidin çölündə qılınır və aradakı məsafə bir cərgə sığacaq qədər azdırsa, imama tabe olmaq düzgündür. Əks təqdirdə tabe olmaq caiz deyildir. Ancaq namaz məscid daxilində qılınarsa bu uzaqlıq imamla camaat arasındakı rabitəni kəsməz.  

İmamın təkbirlərini eşitməyə mane olan pərdə və ya divar, aradakı çatdırıcı və ya səsgücləndiricilər səsin eşidilməsinə kömək edirsə imama tabe olmaq caizdir.

Televiziya və ya internet vasitəsilə Kəbədəki imama tabe olmaq yuxarıdakı səbəblərə görə caiz deyildir.



Açar sözləri

canlı kəbə namaz yayım

Bənzər məqalələr

Təravih namazı neçə rükətdir

Kim Ramazanda inanaraq və savabını Allahdan gözləyərək, Onun rizasını qazanmaq üçün qiyam edərsə (təravih namazı qılarsa), keçmiş günahları bağışlanar.

İmsak vaxtı nədir?

İmsak dan yeri ağarmağa başlayandan (imsak vaxtından), iftar (axşam namazı) vaxtına qədər ibadət niyyəti ilə yemək, içmək, cinsi əlaqə və digər orucu pozan şeylərdən uzaq durmaq deməkdir. İmsakın ziddi iftardır.

Sütrə

Namaz qılan şəxsin qabağından insanlar rahat keçsin deyə qoyuduğu maneəyə (kürsü, stul, çanta və s.) sütrə deyilir. Divar və ya sabit bir şey də (dirək, ağac, namaz qılan şəxs və s.) sütrə sayılır. Sütrəyə əməl etmək sünnədir.

Tilavət səcdəsi

Qurani-Kərimdə on dörd səcdə ayəsi var. Bu ayələrdən hər hansı birini oxuyan və ya dinləyən səcdə etməlidir. Həmin səcdəyə tilavət səcdəsi deyilir.

Duha namazı

Rəsulullah (s.ə.s) beş vaxt fərz namazdan əlavə nafilə namazlar qılaraq ibadət həyatını gözəlləşdirmişdir. Peyğəmbərimizin (s.ə.s) qıldığı nafilə namazlardan biri də duha namazıdır. Duha kəlməsi ərəb dilindən tərcümədə “səhər və ya quşluq vaxtı” deməkdir. Quranın 93-cü surəsi də “Duha” surəsidir. Duha namazına quşluq namazı da deyilir.


Şərh yaz