Oruclunun ağız qoxusu
Sual: Oruclunun ağız qoxusu müşkdən daha xoşdur?
Cavab: Əbu Hureyrənin (r.a) rəvayət etdiyi bir hədisdə Rəsulullah (s.ə.s) belə buyurmuşdur: “Allah-Təala belə buyurdu: Adəmoğlunun hər əməli özü üçündür. Yalnız oruc bundan müstəsnadır. Onun mükafatını Mən verərəm. Çünki yeməyini və nəfsani arzularını, yalnız mənim üçün tərk edir. Oruclu üçün iki sevinc anı var: Biri iftar etdiyi, digəri də Allaha qovuşduğu vaxtdır. Oruclunun ağzının qoxusu, Allah qatında müşk qoxusundan daha xoşdur.” (Buxari, Savm, 9; Müslim, Siyam, 163)
Hədisdə oruc tutanın ağız qoxusunun müşkdən daha xoş olduğu ifadə edilmişdir. Bu qoxu aclıqdan qaynaqlanır. Qiyamət günü Allah dərgahında bu qoxunun, müşk-ənbərdən daha şirin və təmiz olduğu Rəsulullah (s.ə.s) tərəfindən bildirilmişdir. Mələklərin xoşlandığı müəyyən qoxular var. Onlar gül-çiçək, müşk-ənbər qoxusu kimi gözəl qoxulardan məmnun olurlar. Gözəl qoxular bizim dünya gözüylə görə bilmədiyimiz aləmlərdə sirli xəzinələri açan açar kimidir. Oruclunun ağız qoxusu da bu gözəl qoxulara daxildir. Bunun belə olması, orucun Allahla bəndə arasında güclü rabitə mahiyyəti daşıyan bir ibadət olmasından qaynaqlanır.
Bənzər məqalələr
Fitrə, ramazan ayının sonunda nisab miqdarı mala malik müsəlmanların verməklə mükəlləf olduqları vacib sədəqədir.
Etikaf kişilərin əzan və iqamə oxunan, yəni camaatla beş vaxt namaz qılınan məsciddə, qadınların isə evin namaz otağında və ya otağın bir küncündə etikaf niyyəti ilə bir müddət gözləməsi, oturmasıdır.
Mədəyə su, qan və s. getməmək şərtilə dişə qoyulan plomb orucu pozmur. Maye getdiyi təqdirdə oruc pozulur və qəza edilməlidir.
Siqaret və qəlyan çəkmək orucu pozur. Həmin oruca qəza və kəffarə gərəkir. Başqasının çəkdiyi siqaret tüstüsünü bilərək ciyərlərinə çəkən şəxsin də orucu pozulur.
İslam oruc tuta bilməyəcək dərəcədə yaşlı olanları tuta bilmədikləri hər gün üçün bir kasıbı doyurmaq şərti ilə bu ibadətdən azad etmişdir.
Copy Right © 2013 - 2026 | www.meneviyyat.az səhifəsinin bütün hüquqları qorunur.