Aylıq namaz vaxtları
10. 735 dəfə oxunub ,   0 şərh   Çap et

Sual: Qızlar neçə yaşından namaz qılmalıdır?

Cavab: Peyğəmbərimiz (s.ə.s) valideyn olanlara belə buyurur:

“Uşaqlarınız yeddi yaşına çatanda onlara namaz qılmağın əhəmiyyətini anladın, on yaşına gəldikdə isə məcbur edin”. [1]

 Bu hədisdən anlayırıq ki, əslində uşaqlar da kiçik yaşlardan namaz qılmağa başlamalıdır. Ancaq bir şəxsin namaz qılmaqla mükəlləf olduğu yaş həddi-büluğ yaşıdır. Həddi-büluğ yaşı şəxsə və coğrafi məkana görə dəyişə bilər. Bəs həddi-büluğ nə deməkdir? Həddi-büluğ yaşı qızlarda adət qanın gəlməsi ilə başlayır. Yəni qızlar aybaşı olmağa başladığı andan etibarən artıq büluğ çağına/yetkinlik yaşına girmiş sayılırlar. Bu yaş dövründən sonra namaz qılmaq onların üzərinə fərz olur, qılmadığı təqdirdə isə günah yazılır. Həmin dövrdən sonra qılmadığı namazları da mütləq qəza etməlidir. Bizim ölkəmizdə bu yaş dövrü ortalama 13 yaşdan başlayır. Ancaq şəxsə görə bu dəyişə bilər. Aybaşı olmadığı və ya başlamadığı təqdirdə isə qızlar 15 yaşdan etibarən həddi-büluğ yaşına çatmış sayılır. Çünki alimlərin əksəriyyətinə görə, qız uşağının həddi-büluğa çatmasının ən yuxarı  həddi 15 yaşdır. Bu yaşda olan qızın üzərinə ibadətləri yerinə yetirmək fərzdir.[2]


[1] Əbu Davud, Səlat, 24.
[2] İmamı-Əzəm Əbu Hənifəyə görə isə, ən çox həddi 17 yaşdır. Belə ki, 17 yaşına çatan qız uşağı artıq həddi-büluğa çatmış sayılır və buna müvafiq hökmə tabe olur. Burada isə, ehtiyata uyğun olan, məhz əksər alimlərin fikrinə tabe olmaqdır ki, bu da bir qadının aybaşı olmasa belə 15 yaşdan etibarən həddi-büluğa çatmış sayılmasıdır.


Açar sözləri

həddi-büluğ namaz yaş

Bənzər məqalələr

Nə üçün namaz?

İnsan yaradılış baxımından çox zəifdir. Hər şey ona təsir edib əziyyət verir. İnsan həm də acizdir. Düşmənləri və bəlaları saysız-hesabsızdır. İnsan xəstəliklər, təbiətdəki fəlakətlər, ölüm qarşısında gücsüzdür.

Rəsmli paltarla namaz qılmaq

Sual: Üzərində insan və heyvan fiqurları, cizgi film qəhrəmanları olan paltarlarla namaz qılmaq olarmı?

Nə üçün zikr etməliyik?

Zikr Müqəddəs Kitabımızda 256 yerdə işlədilmişdir. Qurani-Kərimdə “zikr” sözü “Allahı anmaq”, “Allahı daima xatırlayaraq heç unutmamaq”, eyni zamanda, “namaz” və “Quran” mənalarında da işlənmişdir.

Təhiyyat duası

İbn Məsud (r.a.) nəql edir: Ovcum Rəsulullahın (s.ə.s.) ovucları içində, O, mənə əttəhiyyat duasını bir Quran  surəsi kimi öyrətdi.

Rükuda oxunan dualar

Rüku lüğətdə “əyilmək” mənasını verir. Namazın əsas ünsürlərindən biri olan rüku əllər dizlərə çatacaq şəkildə önə doğru əyilmək deməkdir.


Şərh yaz

*