Aylıq namaz vaxtları
11. 813 dəfə oxunub ,   0 şərh   Çap et

Sual: Xəstəni dua və Quran oxumaqla müalicə etmək olarmı?

Cavab: Dua ilə müalicə olunmaq caizdir. Allah-Təala “Biz Qurandan möminlər üçün şəfa və mərhəmət olan ayələr nazil edirik“, – buyuraraq Quranın şəfa olduğunu bəyan edir.[1] Qurani-Kərim etiqadi, əxlaqi, ruhi və ictimai xəstəliklərin dərmanıdır. Qurtubi yazdığı təfsirdə Quranın həm qəlbə, həm də bədənə şəfa olduğunu bildirmiş, bunu isbat etmək üçün dəlillər gətirmişdir.[2] İbn Qayyim “Zadul-Məad” adlı əsərində Rəsulullahın müxtəlif xəstəliklər üçün tövsiyə etdiyi dərmanları əlifba sırası ilə vermiş, “qaf” hərfinə çatanda Quranı qeyd edərək, “Quranın qəlb və bədən, dünya və axirət xəstəliklərinin əsl şəfa mənbəyidir“, – demişdir.[3] Hz. Aişə rəvayət edir: “Rəsulullah xəstələnəndə özünə Muavvizəteyn (“İxlas”, “Fələq” və “Nas” surələrini) oxuyardı. Xəstəliyi ağırlaşanda isə özüm oxuyur və əli ilə bədənini ovuşdururdum”.[4] Rəvayətə görə, biri xəstələnəndə Rəsulullah onu sağ əli ilə məsh edərək belə deyərmiş: “Ey insanların Rəbbi, sıxıntıları aradan qaldır, şəfa lütf et. Şafi Sənsən. Səndən başqa şəfa verən yoxdur“.[5]

Ancaq xəstəlik, sıxıntı və başqa səbəblərə görə Allahdan şəfa istəyib, dua etməklə sehr, cadu ayrı-ayrı şeylərdir. Bunları qarışdırmamalıyıq. Bu cür əməllər haramdır. Ən əsası da dərd və xəstəliklərin şəfa tapması üçün dua etmək həkimə getməyə mane deyil. Din dua ilə yanaşı, müalicə olunmağı da əmr edir. Buna əsasən xəstəliyə düşar olan şəxs mütləq mütəxəssis həkimə müraciət etməlidir.


[1] “İsra” surəsi, 17/82.
[2] Qurtubi, X, 316.
[3] İbn Qayyim, “Zadul-Məad”, III, 178.
[4] Müslim, Salam, 51.
[5] Müslim, Salam, 46.

 



Açar sözləri

dua müalicə quran xəstə

Bənzər məqalələr

Dua, dua, dua – 3

Hər cür xətadan, günah və üsyandan Rəbbimizin xoşlanmadığı hallardan, qul olaraq da bizə yaraşmayan davranışlardan min dəfə Əstəğfirullah edir, bağışlanma diləyirik.

Dua, Dua, Dua – 2

Bəxtinə düşdüm, ey yeganə Mətlubum, Məqsudum, Məhbubum; nə olar, tövbəmi qəbul eylə, qəlbimə təkrar həyat bəxş eylə!

Quran və Sünnənin həyatımızda yeri

Quran öz rəhbərliyini 23 ildə kamil mənada ortaya qoydu və cahalət toplumundan, səhrada yolunun itirənlərin öz yolunu tapdığı, ulduzlara bənzəyən bir səhəbə toplumu ortaya çıxardı. Rəhməti sonsuz Rəbbimizin insanlığa olan mərhəməti bir tək Quranla qurtarmamışdı. Onu həm bəyan edib, açıqlayan, həm də həyatı ilə təfsir edib təbliğ edən, aləmlərə rəhmət olaraq göndərdiyi bir Rəhbər daha seçmişdir. O rəhbər, Həzrət Muhəmməd (s.ə.s) idi.

Dua dua dua

Rəhməti, mərhəməti, rəfət və şəfqəti sonsuz Allahım! Dərgahındakı yerimi ucalt, dərəcəmi artır və məni əsfəli-safilinə düşən bədbəxtlər kimi olmaqdan qoru!

Peyğəmbərimizin (s.ə.s) uşaqlara duası

Hər bir valideynin ən ümdə arzusu övladlarının xoşbəxt gələcəyini görməkdir. Buna görə onların  təlim-tərbiyəsinə xüsusi diqqət edir, onların həm maddi, həm də mənəvi dünyaları ilə yaxşı olması üçün cəhd edirlər.. Unutmamalıyıq ki, kainatda baş verən hadisələr arxasında əsl səbəbkar ancaq Uca Allahdır. Nə qədər çalışsaq, çapalasaq da hər daim acizliyimizin idrakında olub Qüdrəti Sonsuza əl […]


Şərh yaz