Aylıq namaz vaxtları
917 dəfə oxunub ,   0 şərh   Çap et

Qədər Allah-Təalanın elmində əşyaya biçilmiş bir plan və layihədir. Bir şeyi bilmək onu meydana gətirmək demək deyil. Məsələn, beynimizdə bir binanın planını qursaq və ya yüzlərlə zavod tiksək, bunlar sırf beynimizdə planlaşdırdığımıza görə həyata keçməz. Onların ərsəyə gəlməsi üçün iradə və qüdrətə ehtiyac vardır. Əks halda layihəsini çəkdiyimiz bina və ya zavoddan bizdən başqa heç kimin xəbəri olmaz. O layihənin arasında xəyalən gəzib dolaşarıq, fikrimiz başqa tərəfə yönələndə isə o bina və ya fabrikin xəyalından əsər-əlamət qalmaz. Get-gedə də xəyallarda canlandırdığımız həmin layihələri tamam yaddan çıxararıq.

Qədər bir elmdir. Elm isə daima məlum olanla əlaqəlidir. Yəni bir şey necədirsə və necə olacaqsa, o cür bilinir. Əksinə məlum olan elmə tabe deyildir. Belə olduqda isə bizim nə edəcəyimizi, iradəmizdən nə cür istifadə edəcəyimizi Allah-Təala bilir və qədərini də bildiyi istiqamətdə həyata keçirir. Bir qatar fərz edək. Bu qatarın iki stansiya arasındakı məsafəni nə qədər vaxta gedəcəyi bəllidir. Olduqca dəqiq hesablamalar nəticəsində qatarın hərəkətindən əvvəl həmin məsafəni qət eləmə müddəti müəyyən edilir və bəzən də məlumat lövhələrində yazılır. Bu nəticə plandır. Nümunəni mövzumuzla müqayisə etsək, buna “qədər” deyə bilərik. Amma bu məlumatı və qədər qatarını hərəkətə gətirən məcburi güc deyil. Yəni qatar bu plana görə, deyilən saatda, deyilən stansiyaya getmir, o vaxtda o stansiyaya gedəcəyi üçün plan və layihədə, yəni qatarın qədərində belə yazılır. Çünki elm məlum olana tabedir. Hadisə nə cür olacaqsa, o cür bilinir və barəsindəki təqdir də ona uyğun olur.

Allah-Təalanın elmi bütün əşya və hadisələri ehtiva edir. Onun elmində səbəb və nəticə, başlanğıc və son bir yerdədir. Ondan (c.c.) ötrü əvvəl və ya sonra deyilən bir şey yoxdur. Yəni Uca Allahın elmi hər şeyi əhatə etmişdir. Təqdirini də bu elmi ilə həyata keçirir. Demək, bu təqdir iradi əməllərdə iradəni bir kənara qoymur.

Qədərlə bağlı ən mühüm məqam Allahın bilməsi mə­sələsidir. Yəni necə olur ki, Allah Təala bir şeyi olmamışdan əvvəl bilir. Ən böyük səhv də burada edilir. Yəni insan özünün bilməsi ilə Allahın bilməsini müqayisə edir və çıxılmaz vəziyyətə düşür. Halbuki insanın imkanları məhduddur və imkanları məhdud olan bir varlıq da sonsuz qüdrət sahibini əsla dərk edə bilməz.



Açar sözləri

elm iradə qədər

Bənzər məqalələr

Elm öyrənənlərə…

Ey elm öyrənməyə qərarlı insan! Əgər elm öyrənməkdə məqsədin lovğalanmaq, insanların rəğbətini qazanmaq və dünya malı toplamaqdırsa, vay sənin halına.

İzdivac/evlilik namaz və duası

Evlənmək istədiyimiz qadının haqqımızda xeyirli olub-olmamasını öyrənmək üçün iki rükət namaz qılınır və belə dua edilir.

Qədər dəyişməyəcəyinə görə dua etməyin faydası varmı?

Dua ilə bəla-müsibətin ortadan qalxması da İlahi təqdirdir. Bu yönü ilə dua, bəlanın ortadan qalxmasının səbəbi, ilahi rəhmətin cəlb edicisidir. Bu qalxanın insanı oxlardan qorumasına, suyun otları bitirməyə səbəb olmasına bənzəyir. Necə ki, qəza və qədərə inansa da, əsgər yenə silahını daşımalıdır.

Elmi ilə əsrlərə işıq saçan alim Əl-Həzini

Elmi ilə əsrlərə işıq saçan alim – Əbdürrəhman əl-Həzini

Elm yolu Cənnət yoludur

Kim bir yola qədəm qoyar və bu yolda elmə talib olarsa, Allah onun üçün Cənnətə gedən bir yolu asanlaşdırar. Mələklər elm öyrənənlərin əməllərindən xoşlandıqları üçün onları qanadları ilə hifz edərlər. Göy və yer əhli, hətta sudakı balıqlar belə elm öyrənən adam üçün Allahdan yardım və bağışlanma diləyər.


Şərh yaz

*