Aylıq namaz vaxtları
1. 376 dəfə oxunub ,   0 şərh   Çap et

Sual: Maşınlara “Bismillah” yazmaq, kiçik Quranlar və dua mətnləri asmaq və ya yapışdırmaq doğrudurmu?

Əvvəlcə onu deyək ki, bütün bunlar İslami terminologiyada bidət kateqoriyasına girir. Bidət isə Peyğəmbərimiz (s.ə.s.) dövründə olmayan, sonradan meydana çıxan əməllərdir. Ancaq alimlər bildirirlər ki, bütin bidətlər günah deyil. Məsələn, Rəsulullah (s.ə.s.) dövründə məscidlərin indiki kimi hündür minarələri yox idi, ancaq indi məscidi minarəsiz təsəvvür etmək mümkün deyil. Yəni minarə də bidətdir, ancaq “bidəti-hasənə”, yəni xoş bidətdir, ona görə də günah sayılmır. Ancaq zərərli bidətlər günah sayılır, faydalı bidətlər yox. Rəsulullah (s.ə.s.) dövründə avtomobil də yox idi, ancaq indi həyatı texnikasız təsəvvür etmək mümkün deyil. Kimsə avtomobilinin, ya da traktorunun şüşəsinə “Bismillah” yazdırır və yaxud hansısa dua mətnini yapışdırırsa, burada hörmətsizlik, günah axtarmaq doğru deyil. Əgər o söz çirklənirsə, baxımsız qalırsa, onda bu işin ədəbə uyğun olmadığını iddia etmək olar. Təbii ki, bu təşəbbüsə düşən içində Allah inancı olduğu, Ondan yardım dilədiyi üçün bu addımı atır. Ona görə də ədəbə riayət etməyi bir an belə ağlından çıxarmamalıdır. Başının üstünə Allah adını yazmısansa, Allahı hər an başının üstündə görməyi də öyrənməlisən. “Bismillah” – “Allahın adı ilə” deməkdir. Yəni sən Allahın adını çağıraraq sükan arxasına keçirsən, işə başlayırsan. Deməli, özünü də bu duaya görə tənzimləməlisən. Məsələnin mahiyyəti ondadır ki, işin mahiyyətinə varmağı öyrənməliyik. Əgər gözünün önünə “Bismillah” yazırsansa, bu duanı ilk növbədə düşüncələrinə, davranışlarına da həkk etməlisən. Allahın adını çağırıb yola çıxan, işə başlayan kəs gərək dürüst olsun, tədbiri əldən buraxmasın, qayda-qanuna riayət etsin, başqalarına qarşı haqsız davranmasın.

Maşına gözəl görünsün, müsəlman kimi tanınım deyə hər hansı dini yazı və ya Quran asmaq olmaz. Əgər hər hansı dua yapışdırılıbsa həmin duanı da maşına minərkən oxumaq daha faydalıdır. Oxunmadan maşına yapışdırılan və ya asılan duanın sahibinə heç bir xeyri yoxdur.

Maşının şüşəsindən kiçik Quran asmaq istəyənlərə isə onu xatırladırıq ki, şüşədən oxunması mümkün olmayan kiçik Quran asılmasa daha yaxşıdır. Çünki Quran Allahın kitabıdır və insanlara hər iki dünyada xoşbəxt olmağın yolunu göstərir. Göz önündə kiçik dəmir sandıqda Quran saxlamaqdansa, kökü Quran həqiqətinə söykənən və hər eşidəndə özünümüzü yığışdırdığınız söz və ya sözlər yazmaq daha məqsədəuyğundur: Məsələn: “Allahı unutma!”; “Sən Allahı görməsən də, Allah səni görür”; “Allah bizi pis əməldən qorusun” və s… Yəni özünüz də düşünüb, bu cür sözlər yaza bilərsiniz ki, işinizdə daha dəqiq və daha məsuliyyətli olasınız. Ancaq bu sözləri kənardan başqalarının diqqətini cəlb edə biləcək, həmçinin qəzaya səbəb ola biləcək qədər böyük yazmaq doğru olmadığı kimi, həm də dini baxımdan arzuolunmaz haldır.

Bir məqamı da xatırladaq ki, Qurana qəzadan sığorta kimi baxmaq da səhv düşüncədir. Allah müsəlmana tədbirli olmağı əmr edir və buna zidd getmək günhadır, istəyirsən yanında Quran gəzdir, istəyirsən üstündə dua. Allah bizi işin mahiyyətini düzgün oxumağa təşviq edir, onun zahirinə görə qərar verməyə yox. Bir sözlə, hörmət çərçivəsində evin divarına, maşının şüşəsinə “Bismillah” yaza, Quran asa, dua yapışdıra bilərsiniz. Ancaq unutmayın ki, bunlar qəzadan qaçmaq sığortası deyil. Əsas məsələ o duanı ağlına, könlünə, ruhuna həkk etməkdir.




Bənzər məqalələr

İmam Şazəli Hizbul-Həmd

Rəhman və Rəhim Allahın adı ilə! Olacağına şübhə edilməyən bir gündə (qiyamətdə) bütün insanları (bir yerə) toplayan Allahım! Nə olar, sədaqət, xalis niyyət, ixlas, güclü iradə, xuşu, heybət, həya, müraqəbə, nur, yəqin, faydalı elm, mərifət, güclü hafizə bəxş eylə. Günahlardan qoruyacaq dərəcədə ismət, İslamı yaşamaqda eşq-şövq, güc, nəşə, hüzur ver. Bizlərə uca dərgahında əfvə layiq […]

Həzrət Əlinin “Kumeyl” duası

“Kumeyl” duası Hz. Əlinin (r.a) tərəfdarlarından Kumeyl ibn Ziyad tərəfindən nəql olunmuşdur. Bu dua günahların bağışlanması, ruzinin çoxalması və düşmənlərin zərərindən qorunmaq məqsədi ilə oxunur. Bismilləhirrahmənirrahim Allahım! Sənin hər şeyi əhatə edən rəhmətin hörmətinə, hər şeyə üstün gələn, hər şeyi baş əydirən və ram edən qüdrətin hörmətinə, hər şeyə qalib gələn əzəmətin hörmətinə Sənə yalvarıram. […]

Titrək niyazlar

Bismilləhir-rahmənir-rahim Rəhman və Rəhim Allahın adı ilə! Allahım! Səndən dünya və axirətdə əfv və afiyət istəyirəm. Ey mərhəmətlilər Mərhəmətlisi, Cəlal və İkram sahibi Rəbbim, nə olar bizə də dünyada və axirətdə əfv və afiyət nəsib elə. “Allah bizə yetər, O, nə gözəl himayədardır!” “O, nə gözəl Mövla və nə gözəl yardımçıdır!” Güc və qüvvət yalnız […]

Rəsmli paltarla namaz qılmaq

Sual: Üzərində insan və heyvan fiqurları, cizgi film qəhrəmanları olan paltarlarla namaz qılmaq olarmı?

İzdivac/evlilik namaz və duası

Evlənmək istədiyimiz qadının haqqımızda xeyirli olub-olmamasını öyrənmək üçün iki rükət namaz qılınır və belə dua edilir.


Şərh yaz

*