Aylıq namaz vaxtları
1. 712 dəfə oxunub ,   0 şərh   Çap et

Vəfat edən insana kədərlənmək, səssiz-küysüz ağlamaq tamamilə təbii və insani bir davranışdır. Dinimizdə yas tutmağın çərçivəsi məlumdur. Hər bir ölüm insana axirəti xatırlatdığı kimi, cənazəsi olan evdəki insanlar və onların yaxınları da bu ölümdən özlərinə pay çıxarmalıdırlar. Vəfat edənin yaxınları məmnun və sevincli görünməkdən çəkinməlidirlər. Beləliklə də, ölənin evində yemək bişirilməsi haram deyil, lakin onlar kədərdən yemək bişirməyə bilərlər. Ona görə də ətrafdakı qonşu və qohumların “cənazəsi olan ev əhli kədərlidir, qəmlidir, yemək bişirməyə taqətləri olmaz onlar kömək etmək lazımdır” anlayışı ilə köməklik göstərmələri həm dinimizə görə müstəhəb qəbul edilmiş, həm də insani bir vəzifədir. Rəsulullah (s.ə.s.) Cəfər ibn Əbu Talib şəhid olanda: “Cəfərin ailəsinə yemək bişirib aparın. Çünki onların başına onları məşğul edən bir müsibət gəlmişdir”,[1] – buyuraraq cənazəsi olan evinə yemək aparılmasını tələb etmişdir.

Cənazəsi olan bir evdə televizora baxmaq, radio və müsiqiyə qulaq asmaq qadağan olmamaqla yanaşı, ölən insana hörmət etmək məqsədilə həmin evin bir az sakit və səssiz olması daha məqsədəuyğundur. Bu, həm ölənə hörmət əlamətidir, həm də ev əhlinə ölümü xatırladar. Ona görə də “ölənlə ölünməz” ifadəsi bu baxımdan yanlış, “həyatdan tamamilə əl çəkməmək” mənası düşünüldükdə doğrudur. Belə ki, yas mərasimlərinin belə dünyəviləşdiyi zəmanəmizdə ölümü və axirəti daha çox xatırlamağa ehtiyacımız var və ölüm də bunun ən yaxşı vasitəsidir.

Odur ki, ölümü xatırlamaq üçün bundan çox yaxşı istifadə edib televizor, radio, qəzetlə məşğul olmamaq və üxrəvi atmosferi korlamamaq lazımdır.


[1] Əbu Davud, Cənaiz, 25, 26; İbn Macə, Cənaiz, 59.



Açar sözləri

cənazə cənazə evi

Bənzər məqalələr

Ölüyə toxunmaq qüslu pozurmu?

Sual: Xalq arasındakı belə bir inanclar var ki: bir, evdə ölən olduqda, orada iştirak edənlər qüsl almadan namaz qıla bilməzlər. İkinci olaraq da, evdəki bütün əşyalar, hətta xalça-palaz yuyulmalıdır. Bu nə dərəcədə doğrudur?

Cənazə namazı

Cənazə namazı Allahın şəninə tərif və Ona ibadət, Rəsulullaha salət-salam və mərhuma duadan ibarətdir. Cənazə namazında rüku, səcdə yoxdur, rüknləri iftitah təkbiri və qiyam ilə birlikdə dörd təkbirdir. Namazı bitirərkən salam vermək vacibdir. Sünnətləri isə Allaha həmd etmək, Rəsulullaha salavat gətirmək, həm mərhuma, həm də müsəlmanlara dua etməkdən ibarətir.

Qadın cənazə namazı qıla bilərmi?

Vəfat etmiş bir müsəlmanın cənazə namazının qılınması bütün müsəlmanlar üzərinə fərzi-kifayədir. Cənazə namazı Allah üçün namaz, Rəsulullah (s.ə.s) üçün salavat, vəfat edən insan üçün isə dua mahiyyətindədir. Vəfat edən insana dua məqsədilə cənazə namazı qılına bilər. Cənazə namazının camaatla qılınma şərti yoxdur. Bir kişi və ya bir qadın vəfat edənin cənazə namazını qılarsa cənazə namazı qılınmış sayılır.

Qadının cənazəsi necə kəfənlənir?

Vəfat etmiş kişi və ya qadın bütün bədəni örtüləcək şəkildə kəfənlənməlidir ki, bu fərzdir. Qadının kəfəni beş qat parçadan ibarətdir. Bunlar − qamis (köynək), izar (ətək), lifafə (sarğı), baş örtüyü və sinə örtüyüdür. Qadını belə kəfənləməyə imkan olmadığı təqdirdə ətək, sarğı və baş örtüyü ilə kifayətlənmək olar. Bu cür kəfənləmə kəfəni-kifayə adlanır.

Həyat yoldaşımın cənazəsini yuya bilərəmmi?

Vəfat edən şəxs kişidirsə onun meyidini kişi, qadındırsa qadın yumalıdır. Həmçinin qadın vəfat edən ərinin cəsədini yuya bilər. Necə ki, həzrət Əbu Bəkri (r.a) vəsiyyətinə uyğun olaraq həyat yoldaşı Əsma binti Ümeys (r.anha) yumuşdur.


Şərh yaz

*