Aylıq namaz vaxtları
1. 138 dəfə oxunub ,   0 şərh   Çap et

Əbu Said Əl-Xudri r.a rəvayət edir: “Bir gün Rəsulullah (s.ə.s) bizə ilkindi namazı qıldırdı. Sonra bir söhbət etdi. Bu söhbətində, Qiyamət vaxtına qədər olacaq hər şeyi bizə xəbər verdi. Bunu yadda saxlayan saxladı, unudan unutdu. Söylədikləri arasında bu da vardı:
“Dünya cazibəlidir, şirindir. Allah sizi buraya xəlifə olaraq göndərmişdir, necə rəftar edəcəyinizə, nə işlər görəcəyinizə baxır.
– Aman gözü açıq olun, dünyadan çəkinin, qadından uzaq durun.
– Aman diqqətli olun! Kimsə, insanlardan qorxaraq, bildiyi bir həqiqəti söyləməkdən çəkinməsin!”
Ravi deyir ki: “(Bunu söylədikdən sonra) Əbu Səid mərhum ağladı. Sonra sözlərinə davam elədi:
“Vallahi elə şeylər gördük ki, qorxduq. Rəsulullahın söylədikləri arasında bu da vardı:
– Xəbəriniz olsun! Qiyamət günü, hər bir vəfasız üçün vəfasızlığı nisbətində bir bayraq sancılacaq. Öndəkilərin (öndə görünənlərin) vəfasızlığından daha böyük bir vəfasızlıq olmayacaqdır. Onun (vəfasız olduqlarını göstərən) bayrağı ayaqlarının dibinə sancılacaq.”
Ogünkü söhbətdən yadımda qalanlar arasında bu kimi sözlər də vardı:

– Xəbəriniz olsun! İnsan oğlu çox fərqli təbəqələrdə yaradılmışdır:
– Eləsi vardır, mömin olaraq doğular, mömin olaraq yaşayar, kafir olaraq ölür.
– Eləsi vardır, kafir olaraq doğular, kafir olaraq yaşayar, mömin olaraq ölər.
– Eləsi də vardır, kafir olaraq doğular, kafir olaraq yaşayar, kafir olaraq ölər.
– Xəbəriniz olsun kimisi vardır yavaş öfkələnir, qəzəblənər, (öfkəsindən) tez dönər, soyuyar; kimisi vardır tez hirslənər, tez də sakitləşər; elələri də vardır ki, gec öfkələnər, gec də soyuyar. Bunların hər biri bir-birlərini tarazdıyarlar.
– Eşidin, agah olun! Onlardan bəzisi vardır; tez özünü ələ alar, tez də özündən çıxar. Bilin ki, bunların ən xeyirlisi gec hirslənən, tez soyuyandır; ən təhlükəliləri də tez hirslənib, gec soyuyandır.

– İnsanlardan eləsi vardır ki, borcunu gözəl şəkildə (vaxtında və əskiksiz) ödəyər, (başqasından alacağını) gözəl şəkildə tələb edər. Elə şəxslər də vardır borcunu yaxşı ödəməz, anacaq alacağını gözəl şəkildə tələb edər; elələri də vardır ki, tələb eləməsi sərtdir, ancaq ödəməsi yaxşıdır. Bunlar da bir-birini tarazlar. Biləsiniz bəziləri də var ki, ödəməsi pisdir, tələb eləməsi də. Bilin ki, bunların ən xeyirlisi borcunu gözəl bir şəkildə ödəyən, gözəlliklə də istəyəndir; en şərliləri də qaytarması da, geri istəməsi də pis olandır.

Agah olun! Öfkə, qəzəb adəm oğlunun qəlbində bir köz kimidir. Gözlərinin qızarmasını, ovurdunun şişməsini görmürsüz?! Kim, öfkələnib qəzəbləndiyi hiss edərsə, yerə uzansın, (qəzəbi keçənə qədər elə dayansın.)”
Əbu Səid dedi ki: “Biz (bu əsnada) günəşin aydınlığı hələ davam edirmi deyə səmaya baxdıq. Bunun üzərinə Peyğəmbərimiz (s.ə.s):
“Xəbəriniz olsun! Dünyanın ömründən keçmişə nəzərən geri qalan hissəsi, bugünkü gündən ötən ilə geridə qalan hissəsinə nisbəti kimidir.”
Tirmizi, Fitən 26.




Bənzər məqalələr

Borcu olan şəxs sədəqə verə bilərmi?

Sədəqənin hər hansı miqdarı yoxdur. Buna görə sədəqənin azı da, çoxu da məqbul sayılır. Bir dəfə Rəsulullahdan (s.ə.s) soruşdular: “Allah dərgahında əməllərin ən məqbul olanı hansıdır?” Peyğəmbərimiz (s.ə.s) “Allah qatında əməllərin ən məqbulu az da olsa davamlı (mütəmadi) olandır.” − buyurdu. Borcu olan şəxs sədəqə verə bilər. Məsələn, borcu olan şəxsin ac olan birisinə bir qarın yemək yeyəcək pul verməsi sədəqə sayılır.

Borc alıb-vermək

Borc alıb vermək təbii hadisədir. Müəyyən ehtiyacları təmin etmək və ya sərmayə qoymaq məqsədilə borca girməkdə bir qəbahət yoxdur. Peyğəmbərimiz (s.ə.s) də ehtiyacı olanda borc almış, hətta bir yəhudidən borca buğda alıb zirehini girov qoymuşdur. Lakin insan “ayağını yorğanına görə uzatmalı”, qaytara bilməyəcəyi ağır borc yükünü üstünə götürməməli və təyin edilən vaxta riayət edərək ödəniş zamanı gəldikdə – üzrlü səbəb yoxdursa – borcu geri qaytarmalıdır.

Namaz borcu olan şəxs nə etməlidir?

Sual: Mən bir neçə ildir ki, namaza başlamışam. Ancaq əvvəllər qılmadığım namazların sayı çoxdur. Həmin namazları qəza etməliyəmmi?

İşlərim düz gətirmir

25 yaşım var. İbadətlərimdə nöqsanlar olsa da dualarıma diqqət edirəm. Lakin fikir verirəm ki, dua etdikcə işlərim düz gətirmir. Bilmirəm, duamda səmimi deyiləm, yoxsa bununla imtahan olunuram? Buna görə çox pis oluram. Hal-hazırda biri qızla evlənmək istəyirəm. İstixarəyə yatdım, yaxşı yuxu gördüm. Lakin valideynlərim razı olmadığına görə onunla evlənə bilmirəm. Uşaqlığımdan etibarən valideynlərimlə sözüm düz gəlmir. Hamıya kömək etməyə çalışıram. Lakin özümə heç bir faydam toxunmur. Bu vəziyyətdən qurtulmaq üçün nə edə və ya hansı duanı oxuya bilərəm?

Zəkat borcunu ödə, kasıbın haqqını ver!

“Zəkat insanın istəyinə buraxılmış bir sədəqə deyil, eqoizminə və xəsisliyinə qalib gələ bilən möminlərin həmrəyliyini reallaşdıran bir növ müəssisələşmiş, məcburi və dəruni bir ədalətdir. Zəkat hər şey kimi mal-mülkün də Allaha aid olduğunu, insanın ondan kefi istədiyi kimi istifadə etmək haqqını daşımadığını, hər kəsin cəmiyyətin bir üzvü olduğunu daima xatırladır”.


Şərh yaz

*