Aylıq namaz vaxtları
2. 077 dəfə oxunub ,   1 şərh   Çap et

Bu bir həqiqətdir ki, ailədə uşağın yeri çox böyükdür. Ancaq bütün hallarda ailədə yeganə məqsəd uşaq olmamalıdır. Əgər ailədə yeganə məqsəd uşaqdırsa və o ailədə uşaq yoxdursa, deməli, problemlərin olması da labüddür. Halbuki tərəflər qarşılaşdıqları problemləri öz aralarında müzakirə edə və ortaq bir məxrəcə gələ bilərlər. Problemin həllinə köklənməmək və ya problemi ağlı ilə yox, hissləri ilə həll etməyə çalışmaq əlavə gərginlikdən başqa bir işə yaramır. Təbii ki, eyni şeyi uşaq məsələsi üçün də demək olar.

Uşağı olmayan ailələri iki kateqoriyaya bölmək olar: birincisi, öz iradələri ilə uşaq sahibi olmaq istəməyən ailələr, ikincisi, bioloji səbəblərlə uşaq sahibi ola bilməyən ailələr…

Uşaq sahibi olmaq istəməyən ailələrdə ən böyük problem tərəflərdən birinin uşaq istəməsi, digərinin isə istəməməsidir. Bela hallarda ikinci tərəfin nə üçün uşaq sahibi olmaq istəməməsinin səbəbləri araşdırılmalı və ancaq bundan sonra məsələnin həllinə “start verilməlidir”. Bioloji səbəblərlə uşaq sahibi ola bilməyən ailələr isə, ilk növbədə, tibbi vasitələrə müraciət etməlidirlər.

Digər tərəfdən, tərəflərin uşaq sahibi olmaq istəməmələrinin məntiqli səbəbləri olduğu kimi, uşaq sahibi olmaq istəmələrinin də məntiqli səbəbləri olmalıdır. Yəni, tərəflər sırf ata və ya ana olmaq üçün uşaq sahibi olmaq istəməməlidirlər. Çünki bu münasibət həm valideyn üçün, həm də uşaq üçün təhlükəli ola bilər.

Uşaq sahibi olmaq istəyən və ola bilməyən valideynlər çox vaxt ümidsizliyə qapılır və bu ümidsizliklərini öz mövqelərində də nümayiş etdirirlər. Tərəflər bu mövqelərini ya birbaşa səbəbini izah edərək nümayiş etdirir (məsələn, “Madam ki, uşağımız yoxdur, deməli bu evliliyin də bir mənası yoxdur” kimi), ya da başqa porblemlərin fonunda ön plana çıxarmağa çalışırlar. Bundan başqa, evlilik həyatında müxtəlif problemlər yaşayan və bu problemləri “ört-basdır” edərək, uşağının olmamasını bəhanə gətirən tərəflər də var.

Əslində uşağın olmaması evlilik üçün ciddi bir problem deyil. Bunu problemə çevirən tərəflər qarşılıqlı şəkildə oturub öz mövqelərini bildirməli və ortaq bir məxrəcə gəlməlidirlər. Digər tərəfdən, uşaq sahibi olmaq istəyən tərəflər məsələyə ümumi prizmadan yanaşmamalı və nə üçün uşaq sahibi olmaq istədiklərini konkretləşdirməlidirlər. Çünki əgər bu məsələdə konkretlik olsa, tərəflər bunun əksi olduqda da problemi daha asan həll edə bilərlər.

Digər tərəfdən, başqa vəziyyətlərdə olduğu kimi, burada da qarşılıqlı anlaşma çox vacibdir. Əks halda, bioloji səbəblərlə uşaq sahibi ola bilməyən tərəflərin gərginlik yaşaması və bu gərginliyin evliliyə təsir göstərməsi labüddür. Bu mənada əgər tərəflər problemlərini həll edə bilməyəcəklərinə inanırlarsa, bir mütəxəssisə də müraciət edə bilərlər.

Yazı “Ailəm” jurnalından götürülmüşdür.



Açar sözləri

aile övlad uşaq

Bənzər məqalələr

Rəsulullahın ana sevgisi

“Bir adam Allah Rəsulunun (s.a.s.) hüzuruna gələrək: “Ən çox kimə vaxt ayırmalı, kiminlə  maraqlanmalıyam?” – deyə sual verdi. Peyğəmbərimiz (s.a.s.): “Ananla!” – buyurdu. O: “Sonra kimlə?” –  deyə soruşdu. “Ananla!” – buyurdu. O: “Sonra kim gəlir?” – deyə soruşdu. “Anan!” –buyurdu. O: “Daha sonra kim gəlir?” – deyə təkrar soruşanda bu dəfə: “Atan” – dedi.

Ailədə nəyi necə etməli?

Ailə ağac kimidir. Bir dəfə əkməklə qurtarmır. Suyunu, qidasını vaxtında vermək lazımdır.

Valideyn övlad münasibətləri

Sual: Uşaqların valideyin üçün bir imtahan vəsiləsi olduğunu deyirlər. Bununla nə nəzərdə tutulur? Dilimizdə istifadə olunan “bala” sözü ehtimal ki, ərəbcədən dilimizə keçmişdir. “İbtila” ərəb dilində “imtahan etmək”; “bəla” kəlməsi isə imtahan, dərd, müsibət kimi mənalar gəlir. Bu yönü ilə “bala”, yəni övlad imtahan deməkdir.

Sacayaq – iki qadın bir kişi

Xoşbəxt ailədə qaynana-gəlin münasibətləri necə olmalıdır? Qaynana-gəlin münasibətləri sadəcə ikin şəxslə yox, bütün cəmiyyətlə əlaqəlidir. İki qadın var ki, onlar üçün sevimli və əziz olan sadəcə bir kişi var. Bu iki qadın kimdir? Biri yaş və həyat təcrübəsi nisbətən çox olan qaynana, digəri də gənc yaşdakı gəlin.

Uşaq əmizdirən qadın oruc tutmalıdır?

Hamilə və uşaq əmizdirən qadınlar özlərinə və körpələrinə hər hansı zərər olmayacağı təqdirdə oruc tuta bilərlər.


1 şərh yazılıb
  1. gunes , 11/02/2015 tarixində, saat 19:02

    bu metne gore tesekkur edirem

Şərh yaz

*