Aylıq namaz vaxtları
1. 903 dəfə oxunub ,   0 şərh   Çap et

Sual: Vitr namazını qılaraq yatan şəxs təhəccüd namazını qılandan sonra yenidən vitr qılmalıdırmı?

Cavab: Rəsulullah (s.ə.s) bir hədisində buyuru ki, “Gecə qıldığınız namazın sonuncusu vitr namazı olsun (və ya gecə namazınızı vitr namazı ilə tamamlayın)”.[1] Vitr namazı vaxtı yatsı namazından sonradır. Vitr namazını dan yeri ağarmadan (ikinci fəcrdən) bir az əvvələ qədər qılmaq olar. Gecə təhəccüd namazı üçün qalxacağından əmin olan şəxs yatsı namazı və sünnəsini qılandan sonra yata, təhəccüd namazı üçün qalxanda əvvəlcə təhəccüdü sonra da qılmadığı vitr namazını qıla bilər. Belə etmək daha fəzilətlidir. Ancaq yatandan sonra gecə oyanıb-oyanmayacağını bilməyən şəxs vitr namazını yatmadan əvvəl qılmalıdır. Vitr namazını qılaraq yatan şəxsin gecə oyanıb təhəccüd namazı qıldıqdan sonra yenidən vitr namazı qılmasına ehtiyac yoxdur. Çünki Rəsulullah (s.ə.s) bir hədisində “Bir gecədə iki vitr namazı yoxdur”.[2] – buyurmuşdur.


[1] Buxari, Səlat 84, Vitr 4; Müslim  Müsafirin, 151
[2] Əbu Davud, Səlat, 2/344, no: 1439.



Bənzər məqalələr

Duha namazı

Rəsulullah (s.ə.s) beş vaxt fərz namazdan əlavə nafilə namazlar qılaraq ibadət həyatını gözəlləşdirmişdir. Peyğəmbərimizin (s.ə.s) qıldığı nafilə namazlardan biri də duha namazıdır. Duha kəlməsi ərəb dilindən tərcümədə “səhər və ya quşluq vaxtı” deməkdir. Quranın 93-cü surəsi də “Duha” surəsidir. Duha namazına quşluq namazı da deyilir.

Tilavət səcdəsi

Qurani-Kərimdə on dörd səcdə ayəsi var. Bu ayələrdən hər hansı birini oxuyan və ya dinləyən səcdə etməlidir. Həmin səcdəyə tilavət səcdəsi deyilir.

İmsak vaxtı nədir?

İmsak dan yeri ağarmağa başlayandan (imsak vaxtından), iftar (axşam namazı) vaxtına qədər ibadət niyyəti ilə yemək, içmək, cinsi əlaqə və digər orucu pozan şeylərdən uzaq durmaq deməkdir. İmsakın ziddi iftardır.

Təravih namazı 20 rükətdir

Kim Ramazanda inanaraq və savabını Allahdan gözləyərək, Onun rizasını qazanmaq üçün qiyam edərsə (təravih namazı qılarsa), keçmiş günahları bağışlanar.

Nə üçün namaz?

İnsan yaradılış baxımından çox zəifdir. Hər şey ona təsir edib əziyyət verir. İnsan həm də acizdir. Düşmənləri və bəlaları saysız-hesabsızdır. İnsan xəstəliklər, təbiətdəki fəlakətlər, ölüm qarşısında gücsüzdür.


Şərh yaz