عَنْ سَعْدِ بْنِ أَب۪ي وَقَّاصٍ قَالَ: خَرَجْنَا مَعَ رَسُولِ اللّٰهِ مِنْ مَكَّةَ نُر۪يدُ الْمَد۪ينَةَ فَلَمَّا كُنَّا قَر۪يبًا مِنْ عَزْوَرَاءَ نَزَلَ ثُمَّ رَفَعَ يَدَيْهِ فَدَعَا اللّٰهَ سَاعَةً، ثُمَّ خَرَّ سَاجِدًا فمَكَثَ طَو۪يلاً، ثُمَّ قامَ فَرَفَعَ يَدَيْهِ سَاعَةً، ثُمَّ خَرَّ سَاجِدًا فَعَلَهُ ثَلَاثًا وَقَالَ: إِنّ۪ي سَأَلْتُ رَبّ۪ي وَشَفَعْتُ لِأُمَّت۪ي فَأَعْطَانيِ ثُلُثَ أُمَّتيِ فَخَرِرْتُ سَاجِدًا لِرَبّ۪ي شُكْرًا، ثُمَّ رَفَعْتُ رَأْس۪ي فَسَأَلْتُ رَبّ۪ي لِأُمَّتيِ فَأَعْطَان۪ي ثُلُثَ أُمَّتيِ فَخَرِرْتُ سَاجِدًا لِرَبّ۪ي شُكْرًا، ثُمَّ رَفَعْتُ رَأْس۪ي فَسَأَلْتُ رَبّ۪ي لِأُمَّتيِ فَأَعْطَانِي الثُّلُثَ الْآخِرَ فَخَرِرْتُ سَاجِدًا لِرَبِّي»
Sad ibn Əbi Vaqqas (r.a.) nəql edir: “Allah Rəsulu (s.ə.s.) ilə birlikdə Mədinəyə qayıtmaq üçün Məkkədən yola çıxmışdıq. Azvarə adlı yerin yaxınlığına çatanda Peyğəmbərimiz (s.ə.s.) miniyindən düşdü. Sonra əllərini qaldırıb bir müddət dua etdi. Ardınca səcdə etdi və uzun müddət başını səcdədən qaldırmadı. Sonra ayağa qalxdı, təkrar əllərini qaldırıb bir müddət yenə dua etdi və səcdə etdi. Bunu üç dəfə təkrarladı. Sonra bizə buyurdu:
– Rəbbimə dua edib ümmətim üçün şəfaət dilədim; O da ümmətimin üçdə birini mənə bağışladı. Buna görə də Rəbbimə şükür səcdəsi etdim. Sonra başımı səcdədən qaldırıb təkrar Rəbbimdən ümmətimin bağışlamasını istədim. O, ümmətimin üçdə birini də bağışladı. Mən də Rəbbimin bu lütfünə müqabil şükür səcdəsi etdim. Yenə sonuncu dəfə başımı qaldırıb Rəbbimdən ümmətimə əfv dilədim. O da mənim üçün qalan son üçdə biri də bağışladı. Mən də belə bir müjdəyə görə şükür səcdəsi etdim”. [Əbu Davud, Cihad 152]
Kim Ramazanda inanaraq və savabını Allahdan gözləyərək, Onun rizasını qazanmaq üçün qiyam edərsə (təravih namazı qılarsa), keçmiş günahları bağışlanar.
İmsak dan yeri ağarmağa başlayandan (imsak vaxtından), iftar (axşam namazı) vaxtına qədər ibadət niyyəti ilə yemək, içmək, cinsi əlaqə və digər orucu pozan şeylərdən uzaq durmaq deməkdir. İmsakın ziddi iftardır.
Namaz qılan şəxsin qabağından insanlar rahat keçsin deyə qoyuduğu maneəyə (kürsü, stul, çanta və s.) sütrə deyilir. Divar və ya sabit bir şey də (dirək, ağac, namaz qılan şəxs və s.) sütrə sayılır. Sütrəyə əməl etmək sünnədir.
Qurani-Kərimdə on dörd səcdə ayəsi var. Bu ayələrdən hər hansı birini oxuyan və ya dinləyən səcdə etməlidir. Həmin səcdəyə tilavət səcdəsi deyilir.
Rəsulullah (s.ə.s) beş vaxt fərz namazdan əlavə nafilə namazlar qılaraq ibadət həyatını gözəlləşdirmişdir. Peyğəmbərimizin (s.ə.s) qıldığı nafilə namazlardan biri də duha namazıdır. Duha kəlməsi ərəb dilindən tərcümədə “səhər və ya quşluq vaxtı” deməkdir. Quranın 93-cü surəsi də “Duha” surəsidir. Duha namazına quşluq namazı da deyilir.