1. 522 dəfə oxunub ,   0 şərh   Çap et

 

 عَنْ أَب۪ي هُرَيْرَةَ  قَالَ: قَالَ رَسُولُ اللّٰهِ: «إِذَا اقْتَرَبَ الزَّمَانُ لَمْ تَكَدْ رُؤْيَا الْمُؤْمِنِ تَكْذِبُ، وَرُؤْيَا الْمُؤْمِنِ جُزْءٌ مِنْ سِتَّةٍ وَأَرْبَع۪ينَ جُزْءً مِنَ النُبُوَّةِ»

وَف۪ي رِوَايَةٍ:« أَصْدَقُكُمْ رُؤْيَا أَصْدَقُكُمْ حَد۪يثًا»

Əbu Hureyrə (r.a.) Allah Rəsulunun (s.ə.s.) belə buyurduğunu rəvayət edir: “Qiyamətə yaxın möminin yuxusu yalan olmaz. Möminin yu­xusu peyğəmbərliyin qırx altı hissəsindən biridir. Sizin ən sadiq (doğru) yuxu görənləriniz ən doğru danışanlarınızdır”. [Buxari, Təbir 26; Müslim, Röya 6]

 عَنْ أَب۪ي هُرَيْرَةَ  قَالَ: قَالَ رَسُولُ اللّٰهِ: «مَنْ رَآن۪ي فِي الْمَنَامِ فَسَيَرَانِي فِي الْيَقَظَةِ أَوْ كَأَنَّمَا رَآن۪ي فِي الْيَقَظَةِ لَايَتَمَثَّلُ الشَّيْطَانُ بِي»

Əbu Hureyrə (r.a.) Allah Rəsulunun (s.ə.s.) belə buyurduğunu nəql etmişdir:  “Məni yuxuda görən insan (birbaşa özümü görmüş sayılır), oyaq olanda da (yəni axirətdə) elə görəcək, yaxud sanki, məni oyaq ikən görüb, çünki şeytan mənim surətimə girə bilməz”. [Buxari, Elm 38; Təbir 10; Müslim, Röya 11]

 عَنْ أَب۪ي قَتَادَةَ  قَالَ: قَالَ النَّبِيُّ: «اَلرُّؤْيَا الصَّالِحَةُ (وَف۪ي رِوَايَةٍ الرُّؤْيَا الْحَسَنَةُ) مِنَ اللّٰهِ، وَالْحُلُمُ مِنَ الشَّيْطَانِ، فَمَنْ رَأٰى شَيْئًا يَكْرَهُهُ فَلْيَنْفُثْ عَنْ شِمَالِهِ ثَلَاثًا وَلْيَتَعَوَّذْ مِنَ الشَّيْطَانِ فَإِنَّهَا لَا تَضُرُّهُ»

Əbu Qatədənin (r.a.) rəvayət etdiyinə görə, Peyğəmbərimiz (s.ə.s.) belə buyurmuşdur:

“Saleh, yaxud gözəl yuxu Allahdandır. (Şərin və çirkin şeylərin təsiri ilə görülən) yuxu isə şeytandandır. Kim xoşuna gəlməyən bir yuxu görsə, sol tərəfinə üç dəfə üfürsün (“tüf”, “tüf” desin) və şeytandan Allaha sığınsın. Belə edərsə, həmin yuxu ona bir zərər verməz”. (Buxari, Təbir 4; Müslim, Röya 1)

 عَنْ وَاثِلَةَ بْنِ الْأَسْقَعِ  قَالَ: قَالَ رَسُولُ اللّٰهِ: «إِنَّ مِنْ أَعْظَمِ الْفِرٰى أَنْ يَدَّعِيَ الرَّجُلُ إِلٰى غَيْرِ أَبِيهِ، أَوْ يُرِيَ عَيْنَهُ مَالَمْ تَرَ، أَوْ يَقُولَ عَلٰى رَسُولِ اللّٰهِ  مَا لَمْ يَقُلْ»

Vasilə ibn əl-Əsqa (r.a.) Allah Rəsulunun (s.ə.s.) belə buyurduğunu nəql etmişdir: “Bir insanın nəslini, soyunu atasından qeyri adama istinad etməsi, görmədiyi yuxunu görmüş kimi danışması və Allah Rəsuluna (s.ə.s.) aid olmayan bir sözü Ona istinad etməsi, şübhəsiz, ən böyük iftiralardandır”. [Buxari, Mənaqib 5]



Açar sözləri

yuxu

Bənzər məqalələr

Yusuf surəsi və röya təbiri

Röya əsrlər boyu insanlara ən çox diqqətini, marağını cəlb edən mövzulardan biridir. Ən qədim dövrlərdən bəri yuxuların mahiyyətini araşdırmışlar. Röyan, “misal aləmindəki qədərlə əlaqəli lövhələrin, eyniylə və ya fərqli formada yuxu halında ruhumuza əks etməsidir.”

Yuxu və beynin istirahəti

Yuxu beyin fəaliyyət normasının minimal səviyyəyə enməsi və ətraf mühitlə olan reaksiyaların azalması ilə müşayiət olunan təbii-fizioloji prosesdir. Bütün canlı varlıqlar öz güclərini bərpa etmək və həyat fəaliyyətini davam etdirmək üçün istirahətə ehtiyac duyurlar.

Rəsulullahı (s.ə.s) yuxuda görmək

Rəsulullahı (sallahu aleyhi va salləm) yuxuda görmək möminin görəcəyi ən sadiq röyaların birincisidir. Çünki, Onun (sallahu aleyhi va salləm) müsafiri olduğu yuxular (bəzilərinin izaha ehtiyacı olsa da) doğrudur. Rəsulullah (sallahu aleyhi va salləm) bir hədisində bu haqda belə buyurmuşdur: “Yuxusunda məni görən həqiqətən məni görmüşdür. Çünki, şeytan mənim surətimə girə bilməz.”

Yuxugörmə hadisəsi necə baş verir?

Yuxuda hərəkətsiz bədənimizlə görən, gəzən və danışan kimdir? Gecələr yuxuya dalırıq. Göz qapaqlarımız bağlanır, qulaqlarınız eşitmir, diliniz lal olur, əlimiz tutmur və ayağımız yerimir. Əgər yuxuda olarkən yanımızda kimsə danışsa onu görmür, danışdığını isə eşitmirik. Onun da, bizim yuxuda gördüklərimizdən, hiss edib yaşadıqlarımızdan xəbəri olmur. İnsan çox vaxt ancaq yatdığını və oyandığını bilir. Yatarkən gözü bağlı qaranlıqlara dalmış kimi olur və heç nə görmədən dünyaya qayıdır.

Rəsulullahın (s.ə.s) yatış və uzanma tərzi

Ərəbcə “nəvm” sözünün qarşılığı olan yuxu bədənin dincəlib yenidən fəaliyyətə başlaması üçün vücuddan və xarici aləmdən gələn siqnalları müvəqqəti olaraq qəbul etməməsi, daxili orqanların fəaliyyətinin passivləşməsi deməkdir. Yuxu insanlar üçün bir nemətdir. Bütün günü işləyib yorulan vücud gecə istirahəti ilə əvvəlki gücünü bərpa edir.


Şərh yaz