2. 986 dəfə oxunub ,   0 şərh   Çap et

Sual: Xütbəyə qulaq asmayanın cümə namazı keçərlidir?

Cavab: İl ərzində Ramazan ayı, gecələr içərisində Qədir gecəsi nə qədər böyük əhəmiyyətə malikdirsə, həftənin günlərindən cümə günü də elədir.

Allah-Təala Cumuə surəsində belə buyurur:

Ey iman gətirənlər! Cümə günü namaza çağırılanda Allahı yad etməyə tələsin və ticarəti dayandırın. Bilsəniz, bu sizin üçün nə qədər xeyirlidir!”(Cümə, 62/9)

Bu ayədə əzana, cümə gününə, cümə namazı və bu namazın fərz olmasına, cümə xütbəsinə işarə edilmişdir. Müfəssirlərin əksəriyyətinin fikrincə ayədəki “Allahı yad etmək” ifadəsi cümə xütbəsi haqqındadır. Hz. Peyğəmbər (s.ə.s) də xütbəsiz cümə namazı qıldırmamışdır. Bu səbəbdən cümə namazının şərtlərindən biri də cümə xütbəsinin oxunmasıdır. Xütbə oxunmayan cümə namazı məqbul deyil. Ancaq bir şəxs xütbəni dinləyə bilməsə və cümə namazı qurtarmadan namaza çatsa həmin namaz keçərlidir. Cümə günü xütbə oxunarkən camaat həmin xütbəni dinləməlidir. Xütbə əsnasında yolçu belə olsa hər hansı bir mükəlləf kişinin orada olması xütbənin keçərli olması üçün yetərlidir. Fəqehlər xütbə əsnasında danışmağın haram, susaraq xütbəyə qulaq asmağın isə fərz olduğunu bildirirlər. Minbərdən çox uzaqda xətibin səsini eşitməyənlər isə, ürəklərində Allahı zikr edə bilərlər. Bəzi fəqehlərə görə xütbəni eşitməyəcək qədər uzaqda olanlar Quran oxuya bilərlər.

Xütbə oxunarkən danışmaq və danışanı tənbeh etmək məkruhdur. Habelə xütbə dinləyənlərin sağa-sola baxması, salam verib alması da məkruh hesab olunmuşdur. Əbu Hüreyrədən rəvayətə görə, Hz. Peyğəmbər (s.ə.s) “Cümə günü imam xütbə oxuyarkən yoldaşına “sus” deyən kəs boş danışmışdır”[1] – buyurmuşdur.


[1]  Nəsai, Cümə, 22; Əbu Davud, Səlat, 228, 229, H. No: 1112; İbn Macə, İqamə, 86, H. No: 1110; Tirmizi, Cümə, 16, H. No: 51



Bənzər məqalələr

Təravih namazı neçə rükətdir

Kim Ramazanda inanaraq və savabını Allahdan gözləyərək, Onun rizasını qazanmaq üçün qiyam edərsə (təravih namazı qılarsa), keçmiş günahları bağışlanar.

İmsak vaxtı nədir?

İmsak dan yeri ağarmağa başlayandan (imsak vaxtından), iftar (axşam namazı) vaxtına qədər ibadət niyyəti ilə yemək, içmək, cinsi əlaqə və digər orucu pozan şeylərdən uzaq durmaq deməkdir. İmsakın ziddi iftardır.

Sütrə

Namaz qılan şəxsin qabağından insanlar rahat keçsin deyə qoyuduğu maneəyə (kürsü, stul, çanta və s.) sütrə deyilir. Divar və ya sabit bir şey də (dirək, ağac, namaz qılan şəxs və s.) sütrə sayılır. Sütrəyə əməl etmək sünnədir.

Xütbə oxunarkən danışmaq və duaya Amin demək

İmam xütbə oxuyarkən səssizcə xütbəyə qulaq asmaq lazımdır. Bu əsnada başqa işlərlə məşğul olmaq söhbət etmək olmaz. Allah Rəsulun (s.ə.s) adı çəkildiyi zaman səssizcə ona salavat gətirmək, imamın duasına “Amin” demək olar.

Tilavət səcdəsi

Qurani-Kərimdə on dörd səcdə ayəsi var. Bu ayələrdən hər hansı birini oxuyan və ya dinləyən səcdə etməlidir. Həmin səcdəyə tilavət səcdəsi deyilir.


Şərh yaz