Aylıq namaz vaxtları
4. 613 dəfə oxunub ,   0 şərh   Çap et

Hicri təqvimə görə, ramazan ayından sonra şəvval ayı gəlir. Şəvval ayında altı gün oruc tutmaq sünnətdir. Rəsulullah (s.ə.s.) bir hədisində bu haqda belə buyurur:

 “Kim ramazan ayını oruclu keçirər və ardınca şəvval ayının da altı gününü oruc tutarsa, bütün ili oruclu keçirmiş kimi olar.“[1]

Yəni ramazan ayında bir ay və şəvval ayında altı gün oruc tutan şəxs bir il oruc tutmuş kimi savab qazanar. Qurani- Kərimdə: “Bir yaxşılıq edənə on qatı verilər.“[2] buyrulmuşdur. Bir şəxs ramazan ayında oruc tutmaqla on ay, şəvvalda altı gün oruc tutmaqla isə iki ay oruc tutmuş kimi savaba nail olar.  

Şəvval ayında tutulan orucu ardıcıl və ya ayrı-ayrı günlərdə tutmaq olar. Ancaq bayram günlərindən sonra ardıcıl tutmaq daha fəzilətlidir. Şəvval ayında qəza və nəzir orucları tutaraq eyni savabı qazanmaq da mümkündür.


[1] Müslim, Siyam, 204; Tirmizi, Savm, 53.
[2] Ənam, 6/160.



Bənzər məqalələr

Nafilə oruclar

Fərz və vacib oruclardan başqa tutulan oruclara nafilə oruclar deyilir. Bəzi günlər xaric ilin bütün günlərində nafilə oruc tutmaq olar.

məscid namaz dua
Bayram namazı necə qılınır?

Bayram namazları iki rükətdir. Camaatla və səsli qılınır. Azan və qamət oxunmur.

Fitrə nədir?

Fitrə, ramazan ayının sonunda nisab miqdarı mala malik müsəlmanların verməklə mükəlləf olduqları vacib sədəqədir.

Etikaf

Həzrət Peyğəmbər (s.ə.s) Mədinəyə gəldikdən sonra vəfatına qədər Ramazan ayının son on günündə etikafa girərdi. Buna görə etikaf Allah Rəsulunun (s.ə.s) önəmli sünnətlərindən biridir.

Qədr gecəsinin vaxtı və əlamətləri

Peyğəmbərimiz (s.ə.s.) Qədr gecəsinin ramazanın son on və ya yeddi gününə, tək gecələrdən (21, 23, 25, 27) birinə düşdüyünü buyurmuşdur.


Şərh yaz

*