Aylıq namaz vaxtları
32. 041 dəfə oxunub ,   0 şərh   Çap et

Sual: Mənim sinfimizdəki bir qızdan xoşum gəlməyə başladı. Lakin onunla heç vaxt danışmamışam. Onu cəmi bir neçə dəfə görmüşəm. Görəsən onu Rəbbimdən istəmək və ya onu mənə nəsib eləsin deyə dua etmək doğrudurmu?

Cavab: Sevmək insani bir duyğudur. Buna görə də bir insanın kiməsə qarşı sevgi hiss etməsi günah sayılmır. Günah sayılan həddini aşmaq, yalnış yollara əl atmaqdır. Allah (c.c) sevgini insanın daxilinə yerləşdirmişdir.

Hər şeyin bir həddi-hüdudu və qaydaları olduğu kimi, sevginin də özünəxas qaydaları vardır. Hər insan sevə bilər. Lakin sevgi vaxtında olsa daha gözəldir. Bəzən elə olur ki, hissləri ilə hərəkət edib, bir zamanlar onsuz yaşaya bilmədiyini zənn edən biri, sonunda öz sevgilisi ilə məhkəmə salonlarında görüşməli olur. Bu da hisslərlə verilən, ağılla düşünülməmiş qərarların sonu…

Hər nə qədər könül fərman dinləməsə də, dininə bağlı və təqvalı olan bir gənc hər zaman iffətini qorumağı bacarmalıdır. Bu sərhədləri qoruduqdan sonra insanın özü üçün Allahdan xeyirlisini istəməsi daha yaxşı olar.

İnsan olaraq nəyin bizim üçün daha xeyirli olduğunu məhdud ağlımızla tam dərk edə bilmirik. Buna görə də, bu məsələlərdə xəyallara qapılmadan, bir möminə yaraşan şəkildə hərəkət etməliyik. Bəzən belə məsələlərdə insanın hissləri sərhəd tanımaq istəmir. Çox vaxt saf duyğularla başlayan sevgilər tədricən zədələnməyə, əvvəlki saflığını itirməyə başlayır. Buna görə də, həmin məsələ haqqında qəti qərara gəlmək və bunu ailələrə bildirmək daha yaxşı olar.

Allah sevgisi bütün sevgilərdən fərqlidir. Daha çox təsəvvüfçülərin bəhs etdiyi ilahi eşq Allah sevgisinin ən son mərtəbəsidir. Bu eşqə düçar olan insan çox vaxt başqaları tərəfindən dəli, məcnun adlandırılır. Bu eşqlə yanan insan üçün dünyəvi olan hər şey – evi, ailəsi, uşaqları, dostları qısacası dediyimiz kimi dünya və içindəkiləri tərk edir. Çünki aşiq olanın gözündə sevgilidən başqası yoxdur. Təsəvvüf əhlinə görə dünyanın yaranma səbəbi eşq olduğu kimi, onun yaşama səbəbi də eşqdir.

İnsan bu iki sevgidən hansına tutulursa tutulsun ciddi bir imtahan qarşısındadır. Bu vəziyətdə olan birinin duyğularına sahib çıxması, iffət və şərəfini qoruması lazımdır.

O qız haqqında əgər sizin üçün xeyirlisi odursa onu sizə nəsib etsin (və ya qəlbiniz ona meyl etsin) deyə Allaha dua edə bilərsiniz. Ancaq sizi tanıyan və xeyrinizi istəyən insanlarla məşvərət etsəniz bu sizin üçün daha yaxşı olar. Əgər  hələ evlənmək fikriniz yoxdursa bu məsələdə səbir etməyiniz duadan daha xeyirlidir. O qız sizin üçün uyğun ola biləcəyi kimi olmaya da bilər. Hətta başınıza bəla da ola bilər. Buna görə də nəyin haqqımızda xeyirli, nəyin də zərərli olduğunu bilmədiyimizə görə, Allahdan haqqımızda xeyirlisini istəməliyik. Nəyin xeyir, nəyin şər olduğunu dəqiq bilmədiyimiz üçün belə vəziyyətlərdə israr etməməliyik. Yoxsa əksinə israrla istədiyimiz şeyin cəzasını çəkməyə məcbur olar, onunla imtahan oluna bilərik. Bir kimsəylə evlənmək, varlı olmaq, bir vəzifəyə təyin olunmaq kimi şeylər imtahan səbəblərindən bəziləridir.



Açar sözləri

dua sevgi

Bənzər məqalələr

Maşından dua asmaq olar?

Sual: Maşınlara “Bismillah” yazmaq, kiçik Quranlar, dua mətnləri asmaq və ya yapışdırmaq doğrudurmu?

Ailədaxili ünsiyyət

Ailədaxili ünsiyyət dedikdə də ər-arvadın biri-biri və əgər varsa, uşaqları ilə münasibəti nəzərdə tutulur. Bu ünsiyyət ən azı iki nəfər arasında cərəyan edir və müəyyən məqsəd daşıyır.

Nə üçün zikr etməliyik?

Zikr Müqəddəs Kitabımızda 256 yerdə işlədilmişdir. Qurani-Kərimdə “zikr” sözü “Allahı anmaq”, “Allahı daima xatırlayaraq heç unutmamaq”, eyni zamanda, “namaz” və “Quran” mənalarında da işlənmişdir.

Təhiyyat duası

İbn Məsud (r.a.) nəql edir: Ovcum Rəsulullahın (s.ə.s.) ovucları içində, O, mənə əttəhiyyat duasını bir Quran  surəsi kimi öyrətdi.

Rükuda oxunan dualar

Rüku lüğətdə “əyilmək” mənasını verir. Namazın əsas ünsürlərindən biri olan rüku əllər dizlərə çatacaq şəkildə önə doğru əyilmək deməkdir.


Şərh yaz

*