Aylıq namaz vaxtları
5. 101 dəfə oxunub ,   1 şərh   Çap et

عَنْ أَب۪ي هُرَيْرَةَ  قَالَ: قَالَ رَسُولُ اللّٰهِ : «الشُّهَدَاءُ خَمْسَةٌ: اَلْمَطْعُونُ وَالْمَبْطُونُ وَالْغَر۪يقُ وَصَاحِبُ الْهَدْمِ وَالشَّه۪يدُ ف۪ي سَب۪يلِ اللّٰهِ»

Əbu Hureyrə (r.a.) nəql edir:

“Allah Rəsulu (s.ə.s.) belə buyurdu: “Şəhidlər beş cürdür: vəba kimi yoluxucu xəstəliklərdən ölənlər, daxili xəstəliklərə tutulanlar, suda boğulanlar, (zəlzələ və s. səbəblərdən) uçqun altında qalanlar və Allah yolunda canından keçənlər”. [Buxari, Cihad 30; Müslim, İmarə 164]

 عَنْ سَع۪يدِ بْنِ زَيْدِ بْنِ عَمْرِو بْنِ نُفَيْلٍ أَحَدِ الْعَشَرَةِ الْمَشْهُودِ لَهُمْ بِالْجَنَّةِ  قَالَ: سَمِعْتُ رَسُولَ اللّٰهِ  يَقُولُ: «مَنْ قُتِلَ دُونَ مَالِهِ فَهُوَ شَه۪يدٌ وَمَنْ قُتِلَ دُونَ دَمِهِ فَهُوَ شَه۪يدٌ وَمَنْ قُتِلَ دُونَ د۪ينِهِ فَهُوَ شَه۪يدٌ وَمَنْ قُتِلَ دُونَ أَهْلِهِ فَهُوَ شَه۪يدٌ»

Aşəreyi-mübəşşərədən olan Said ibn Zeyd (r.a.) Allah Rəsulunun (s.ə.s.) belə buyurduğunu  nəql edir:

“Malını qoruyarkən haqsız yerə öldürülənlər, canını qorumaq üçün özünü müdafiə edərkən haqsız yerə qətlə yetirilənlər, dinini tərk etmədiyi üçün öldürülənlər və ailəsinin namusunu və şərəfini qoruyarakən öldürülənlər şəhiddir”. [Əbu Davud, Sünnət 29; Tirmizi, Diyat 21]

 عَنْ أَب۪ي هُرَيْرَةَ  قَالَ: جَاءَ رَجُلٌ إِلٰى رَسُولِ اللّٰهِ  فَقَالَ: يَا رَسُولَ اللّٰهِ أَرَأَيْتَ إِنْ جَاءَ رَجُلٌ يُر۪يدُ أَخْذَ مَالِي؟ قَالَ: «فَلَا تُعْطِهِ مَالَكَ» قَالَ: أَرَأَيْتَ إِنْ قَاتَلَنِي؟ قَالَ: «قَاتِلْهُ » قَالَ: أَرَأَيْتَ إِنْ قَتَلَنِي؟ قَالَ: «فَأَنْتَ شَه۪يدٌ» قَالَ: أَرَأَيْتَ إِنْ قَتَلْتُهُ؟ قَالَ: «هُوَ فِي النَّارِ»

Əbu Hureyrə (r.a.) demişdir:

“Bir nəfər Allah Rəsulunun (s.ə.s.) yanına gələrək:

– Ey Allahın Rəsulu! Malımı qəsb etmək və ələ keçirmək istə­yən adam mənə ilişsə, nə edim? – deyə soruşdu. Peyğəmbərimiz (s.ə.s.):

– Malını ona vermə! – deyə cavab verdi. Adam:

– Əgər mənimlə vuruşmağa cəhd göstərərsə? – deyə soruşdu.

– Sən də ona cavab ver! – dedi. Adam:

– Əgər məni öldürərsə? – dedi. Allah Rəsulu (s.ə.s.):

– Onda sən şəhid sayılırsan, – buyurdu. Adam:

– Yox əgər mən onu öldürsəm? – deyəndə Peyğəmbərimiz (s.ə.s.):

– O, Cəhənnəmdədir! – buyurdu”. [Müslim, İman 225]



Açar sözləri

şəhidlər

Bənzər məqalələr

Şəhidlər

Keçirdiyimiz hər gün tarixə dönür. Tarixə yazılan günlərin hamısı yaddaqalan olmur. Elə günlər var onlar unudulub gedir, elələri də var ki, onlar heç vaxt unudulmur, yaddan çıxmır. Belə günləri unudulmaz edən qəhramanlardandır şəhidlər. Çünki, bu dünyada hamımıza bəxş olunan bir ömür payı var. Ömür yolunu müəyyən müddət sonra başa vuracağıq. Bu mənada insanın dünya həyatına ən gözəl şəkildə əlvida deməyinin adıdır şəhid olmaq.


1 şərh yazılıb
  1. Seymur , 09/01/2015 tarixində, saat 09:01

    Tesekkur edirik.daha geniş məlumatlar almaq diləyi ilə

Şərh yaz

*