Aylıq namaz vaxtları
2. 673 dəfə oxunub ,   0 şərh   Çap et

Sual: Oruc tutanların Cənnətə “Rəyyan” qapısından girəcəyi bildirilir. Bəs oruc tutmayanlar Cənnətə girə bilməyəcək?

Cavab: Rəsulullah (s.ə.s) bir hədisində belə buyurur:

Cənnətdə “Rəyyanadlı qapı var. Qiyamət günü həmin qapıdan ancaq oruclular daxil olacaq, onlardan savayı heç kim girməyəcək. “Oruclular hardadır?” – deyə səslənəcəklər. Onlar da həmin qapıdan daxil olacaqlar. O qapıdan onlardan başqası girə bilməz. Oruclular girəndən sonra həmin qapı bağlanacaq.[1]

Cənnətə girəcək bütün möminlərin oruc tutduğunu söyləmək çətindir. Çünki müsəlman olub oruc tutmadığı halda, əfv edilərək Cənnətə girənlər də ola bilər. Həmçinin, oruc tutacaq yaşa çatmadan ölənlər də bu qapıdan girməyə bilərlər. Allah xüsusi lütfü olaraq Rəyyan qapısını sadəcə oruc tutanlara vəd etmişdir. Ancaq Cənnətin birdən çox qapısı var. Bir çox müsəlman da bu qapılardan Cənnətə girə biləcəklər.

Cənnətin səkkiz qapısının olduğu bildirilir: Namaz qapısı, Rəyyan qapısı, sədəqə/zəkat qapısı, xeyir qapısı, tövbə qapısı, qəzəblərinə hakim olaraq insanları bağışlayanların qapısı, riza qapısı, hesaba çəkilməyənlərin qapısı…

Bu qapıları eşidən Həzrət Əbu Bəkr:

Ya Rəsulullah! Bir insanın bu qapıların hamısından çağırıla bilərmi?” deyə soruşanda “Bəli, sənin də onlardan olacağını ümid edirəm.” Cavabını aldığı nəql olunmuşdur.“[2]


[1] Buxari, Savm 4; Müslim, Siyam 166. Nəsai, Siyam 43.
[2] Buxari, Savm 4; Muslim, Zəkat 85


Açar sözləri

qapı Ramazan rəyyan

Bənzər məqalələr

məscid namaz dua
Bayram namazı necə qılınır?

Bayram namazları iki rükətdir. Camaatla və səsli qılınır. Azan və qamət oxunmur.

Fitrə nədir?

Fitrə, ramazan ayının sonunda nisab miqdarı mala malik müsəlmanların verməklə mükəlləf olduqları vacib sədəqədir.

Orucun faydaları

Namaz dinin, oruc ruhun, zəkat da cəmiyyətin dirəyidir. Yəni namazsız dinin, orucsuz ruhun, zəkatsız cəmiyyətin var olması çox çətindir.

Qədr gecəsinin vaxtı və əlamətləri

Peyğəmbərimiz (s.ə.s.) Qədr gecəsinin ramazanın son on və ya yeddi gününə, tək gecələrdən (21, 23, 25, 27) birinə düşdüyünü buyurmuşdur.

Etikaf

Həzrət Peyğəmbər (s.ə.s) Mədinəyə gəldikdən sonra vəfatına qədər Ramazan ayının son on günündə etikafa girərdi. Buna görə etikaf Allah Rəsulunun (s.ə.s) önəmli sünnətlərindən biridir.


Şərh yaz