2. 103 dəfə oxunub ,   0 şərh   Çap et

Peyğəmbərimiz (s.ə.s) özü oxuma-yazma bilmədiyinə görə bu işi Onun (s.ə.s) yanındakı səhabələri görərdilər. Hz. Peyğəmbərin (s.ə.s) təqribən qırx nəfərə yaxın katibi olmuşdur. Əsas katibləri bunlardır: Hz. Əbu Bəkir, Hz. Ömər, Hz. Osman.

 Hz. Aişə rəvayət edir ki, Rəsulullaha (s.ə.s) vəhy gələndə Hz. Osmana xitabən “Ey Useym! Yaz!” – deyirdi.

Rəsulullah (s.ə.s) sülh müqavilələrini və sözləşmələri Hz. Əliyə yazdırardı. Məsələn, Qureyş qəbiləsi ilə Hüdeybiyyədə gerçəkləşən əhdləşməni Hz. Əli yazmışdır. Hz. Əli bundan əlavə şəxslərlə və mülkiyyətlə əlaqəli fərmanları da yazırdı.

Rəsulullahın (s.ə.s) Mədinəyə hicrət edəndən sonra yazılarını Übey ibn Kab yazırdı. Yazdığı yazıların aşağısında yazının kim tərəfindən yazıldığını bildirən “filankəs oğlu filankəs” yazdı kəlməsindən ilk istifadə edən və Rəsulullaha (s.ə.s) nazil olan vəhyləri Onun hüzurunda ilk dəfə yazan səhabə Übey ibn Kab idi.

Übey ibn Kab olmayanda Rəsulullah (s.ə.s) yazılarını Zeyd ibn sabitə yazdırardı. Zeyd vəhyləri yazmaqda mahir idi. Peyğəmbərimiz (s.ə.s) Zeyddən ibrani dilini öyrənməsini istəmiş, o da on beş gün ərzində həmin dili mükəmməl öyrənmişdi. Bununla yanaşı Rəsulullahın (s.ə.s) məsləhəti ilə on yeddi günə süryani dilini də mənimsəmişdi.

Abdullah ibn Ərkam Rəsulullahın (s.ə.s) ana tərəfdən qohumu idi. Hz. Əminə Abdullahın atası Ərkamın xalası idi. Hz. Peyğəmbərə (s.ə.s) hər hansı yazı gələndə “buna kim cavab yaza bilər” – deyə soruşar, məclisdə Hz. Əbu Bəkir və Hz. Ömər kimi səhabələr olduğu təqdirdə Abdullah ibn Ərkam “mən yaza bilərəm” – deyə önə çıxardı. Rəsulullah (s.ə.s) da yazını ona yazdıraraq möhürlətdirərdi. Bundan əlavə etibarlı və əmin insan olduğuna görə hökmdarlardan gələn yazıları özündə saxlamağı tapşırmışdı.

Xalid ibn Səid ilk dəfə “bəsmələ”ni yazan səhabədir.

Xalid ibn Vəlid, Ukbə, Talha ibn Übeydullah, Xalid ibn Zeyd, Əbu Süfyan ibn Hərb, Büreydə ibn Husayb, Zübeyr ibn Avvam kimi səhabələr də Rəsulullahın (s.ə.s) katiblərindəndir. 



Açar sözləri

katib səhabə

Bənzər məqalələr

Rəsulullahın ramazan xütbəsi

Bu yazı Rəsulullahın (s.a.s.) Ramazan ayı ilə əlaqəli ümmətinə tövsiyələri haqdadır. Rəsulullah (s.a.s.) Şaban ayında oxuduğu bir xütbədə ümmətinə bunları tövsiyə etmişdir.

Abdullah ibn Səlam (r.a)

Abdullah bin Salam bu xəbəri eşidən kimi düz Rəsulullahın (s.ə.s) yanına yollanır. Mədinə qapılarının ağzında Rəsulullahı qarşılamaq üçün toplaşan izdihamın arasına girir. Rəsulullahı görüncə özünü saxlaya bilməyib: “Vallah, bu simada ya­lan olmaz!” – deyə qışqırır.

Abdullah bin Süheyl

Həzrət Abdullah (r.a) İslamiyyətin ilk illərində müsəlman oldu. Müşriklərin ağır işgəncələrinə məruz qaldı. Peyğəmbərimizin icazəsi ilə Həbəşistana hicrət etdi. Bir müddət orada qaldı.

Səhabələri nümunə götürmək

Necə etmək olar ki, insanlar səhabələri nümunə götürsünlər?

Peyğəmbərimiz və səhabələrin namazı

Möminin meracı sayılan namaz imanın əkiz qardaşı kimidir. Başqa sözlə, imanın əməli şəkli namaz, namazın da nəzəri şəkli imandır.


Şərh yaz