وَأَنْصَحُ لَكُمْ
Mən sizə Rəbbimin əmrlərini təbliğ edir, öyüd-nəsihət verir və yaxşılığınızı istəyirəm. {“Əraf” surəsi, 7/62}
وَأَنَا لَكُمْ نَاصِحٌ أَم۪ينٌ
Mən sizin yaxşılığınız üçün çalışan və sizə xəbərdarlıq edən etibarlı nəsihətçiyəm. Rəbbimin əmrlərini təbliğ edirəm. Mən sizə doğru məsləhət verənəm. {“Əraf” surəsi, 7/68}
عَنْ أَب۪ي رُقَيَّةَ تَم۪يمِ بْنِ أَوْسٍ الدَّارِيِّ أَنَّ النَّبِيَّ قَالَ: «اَلدّ۪ينُ النَّص۪يحَةُ» قُلْنَا: لِمَنْ؟ قَالَ «لِلّٰهِ وَلِكِتَابِهِ وَلِرَسُولِهِ وَلِأَئِمَّةِ الْمُسْلِم۪ينَ وَعَامَّتِهِمْ»
Əbu Ruqayyə Təmim ibn Əvs əd-Dari (r.a.) Peyğəmbərimizin (s.ə.s.) belə buyurduğunu nəql edir:
“Din nəsihətdir (səmimiyyətdir, xeyirxahlıqdır)”. Səhabələr: “Kimin üçün?” – deyə sual verdilər. Peyğəmbərimiz (s.ə.s.): “Allah üçün, Kitabı üçün, Peyğəmbəri üçün, müsəlman idarəçilər və bütün müsəlmanlar üçün,” – buyurdu”. [Müslim, İman 95]
عَنْ جَر۪يرِ بْنِ عَبْدِ اللّٰهِ قَالَ: بَايَعْتُ رَسُولَ اللّٰهِ عَلٰى إِقَامِ الصَّلَاةِ وَإ۪يتَاءِ الزَّكَاةِ وَالنُّصْحِ لِكُلِّ مُسْلِمٍ.
Cərir ibn Abdullah (r.a.) belə demişdir:
“Mən Rəsulullaha (s.ə.s.) namazı tədili-ərkanla qılmaq, Zəkatı (şərtlərinə uyğun) vermək və hər müsəlmana nəsihət etmək şərtləri ilə beyət etdim”. [Buxari, İman 42; Müslim, İman 97]
عَنْ أَنَسٍ عَنِ النَّبِيِّ قَالَ: «لَا يُؤْمِنُ أَحَدُكُمْ حَتّٰى يُحِبَّ لِأَخِيهِ مَا يُحِبُّ لِنَفْسِهِ»
Hz. Ənəs (r. a.) nəql edir:
“Peyğəmbərimiz (s.ə.s.) belə buyurmuşdur: “Özünüzə arzu etdiyiniz şeyləri mömin qardaşınıza arzu etmədikcə kamil mənada iman etmiş sayılmazsınız”. [Buxari, İman 7; Müslim, İman 71]