Namazı tərk etmək
Sual: Mənim on iki yaşım var. Namaz qılmasam günah qazanarammı ?
Balaca qardaşımız, siz artıq həddi büluğ yaşına yaxınlaşmış və yaxud da çatmısınız. Ona görə də mütləq namazlarınızı qılmalısınız. Bu yaşdan etibarən artıq böyük insanlar kimi məsuliyyət daşıyırıq. Bəzən məktəbdə olduqda, işimiz çıxdıqda namazımız ola bilsin vaxtında qıla bilmədik. Evə gəldikdə qəzasını mütləq qılmalıyıq. İnanın ki, insan ömürü çox məhduddur, sərmayəmiz isə azdır. Ölümün bizə nə vaxt gəlib çatacağını bilmirik. Həmyaşıdlarımız arasında maşın vuraraq, hamamda yuyunarkən dəm qazından boğularaq, bir xəstəliyə düçar olaraq və s. vəfat edən bir xeyli insan var. Fərz edin ki, öldük, İlahi hüzurda nə cavab verəcəyik? Bir də cavan ikən qılınan namazla qocalanda qılınan namazın savabı eyni olmur. Qocalanda “onsuz da bir ayağım gordadır” deyib qılırlar. Ancaq sizin kimi gənc birinin qıldığı namzın savabı daha çoxdur. Ona görə də namazı tərk etmək olmaz. Namaz imanın əkiz qardaşıdır. Bir fərqlə ki, iman erkən doğulub. Ona görə də bir adam namazı tərk edəndə imanı zəifləyir.
Bənzər məqalələr
Kim Ramazanda inanaraq və savabını Allahdan gözləyərək, Onun rizasını qazanmaq üçün qiyam edərsə (təravih namazı qılarsa), keçmiş günahları bağışlanar.
İmsak dan yeri ağarmağa başlayandan (imsak vaxtından), iftar (axşam namazı) vaxtına qədər ibadət niyyəti ilə yemək, içmək, cinsi əlaqə və digər orucu pozan şeylərdən uzaq durmaq deməkdir. İmsakın ziddi iftardır.
Namaz qılan şəxsin qabağından insanlar rahat keçsin deyə qoyuduğu maneəyə (kürsü, stul, çanta və s.) sütrə deyilir. Divar və ya sabit bir şey də (dirək, ağac, namaz qılan şəxs və s.) sütrə sayılır. Sütrəyə əməl etmək sünnədir.
Qurani-Kərimdə on dörd səcdə ayəsi var. Bu ayələrdən hər hansı birini oxuyan və ya dinləyən səcdə etməlidir. Həmin səcdəyə tilavət səcdəsi deyilir.
Rəsulullah (s.ə.s) beş vaxt fərz namazdan əlavə nafilə namazlar qılaraq ibadət həyatını gözəlləşdirmişdir. Peyğəmbərimizin (s.ə.s) qıldığı nafilə namazlardan biri də duha namazıdır. Duha kəlməsi ərəb dilindən tərcümədə “səhər və ya quşluq vaxtı” deməkdir. Quranın 93-cü surəsi də “Duha” surəsidir. Duha namazına quşluq namazı da deyilir.
Copy Right © 2013 - 2024 | www.meneviyyat.az səhifəsinin bütün hüquqları qorunur.