Aylıq namaz vaxtları
3. 989 dəfə oxunub ,   0 şərh   Çap et

Sual: Namaz qılmayan şəxsin orucu qəbul olarmı?

Bəzi kəslər, “Ya, dinimizin bütün əmrlərini edib, bütün qadağanlarından çəkinməli və ya heç birini etməməliyik” söyləyərək, “Ya hamısı, ya da heç biri” deyirlər. Bu düşüncə yanlış və səhvdir. Çünki “Hamısı edilə bilməyən ibadətin müəyyən miqdarı da tərk edilməməlidir” qaydası İslamın ümumi prinsiplərindəndir. İnsan onsuz da günah işləmişəm deyə, günah işləməyə davam etməyi doğru deyil. Həm oruc tutub, həm də günah işləyən kimsə, oruc tutmaqla hasil olan böyük savaba nail ola bilməz. Lakin axirətdə nə üçün oruc tutmadın deyə hesaba da çəkilməz. Çünki, oruc borcunu ödəmiş olar. Hətta orucun bərəkətiylə digər günahlardan da uzaqlaşa bilər. İmam Rəbbani həzrətləri buyurur ki: “Bütün günahlara tövbə edib, hamısından uzaq durmaq böyük nemətdir. Bu mümkün deyilsə, bəzi günahlara tövbə etmək də nemətdir. Bunların bərəkətiylə, bəlkə bütün günahlara tövbə etmək nəsib olar. Bir şeyin hamısını əldə etmək mümkün deyilsə, müəyyən hissəsini də qaçırmaq olmaz.”
Namazın dinimizdəki yeri, oruca görə daha mühüm olsa da, bir kimsəyə namaz qılmadığı üçün, “Oruc tutma!” demək olmaz. Əksinə, “Namaz ibadətini yerinə yetirə bilmirsənsə, heç olmasa orucu tərk etmə!” demək lazımdır.
Namaz qılmamaqla böyük günaha girən şəxs, oruc tutmasa günahı daha da artar. Günah nə qədər azaldılsa bir o qədər yaxşıdır. Allahdan qorxub bir günahdan imtina etmək imanın əlamətidir. Günah işləyən, oruc tutur və ya zəkat verirsə, ona, “Heç olmasa bunları buraxma!” demək lazımdır. Bu ibadətləri də etməsə, dindən tamamilə uzaqlaşa bilər. Qorxutmaqdan daha çox, müjdələyici, təşviqedici olmaq lazımdır.
Namaz qılmamaq böyük günahlardan olsa da orucu pozmaz. Həmçinin namaz ibadəti oruc tutmanın bir şərti olmadığından namaz qılmayanın tutduğu oruclar qəbul olunmaqdadır.



Açar sözləri

ibadət namaz pozmaz Ramazan

Bənzər məqalələr

Zilhiccə orucu

Rəsulullah (s.a.s.) dörd şeyi tərk etməzdi; Aşura orucu, zilhiccənin ilk on günü və hər ayda üç gün oruc tutmağı, sübh namazından əvvəl iki rükət namaz qılmağı.

Qurandan faydalanmaq

Qurandan faydalanmaq üçün nələrə diqqət etmək lazımdır?

Nafilə oruclar

Fərz və vacib oruclardan başqa tutulan oruclara nafilə oruclar deyilir. Bəzi günlər xaric ilin bütün günlərində nafilə oruc tutmaq olar.

Şəvval orucu

Kim ramazan ayını oruclu keçirər və ardınca şəvval ayının da altı gününü oruc tutarsa, bütün ili oruclu keçirmiş kimi olar.

Fitrə nədir?

Fitrə, ramazan ayının sonunda nisab miqdarı mala malik müsəlmanların verməklə mükəlləf olduqları vacib sədəqədir.


Şərh yaz

*