عَنْ عَبْدِ اللّٰهِ بْنِ الْحَارِثِ بْنِ الصِّمَّةِ الْأَنْصَارِيِّ قَالَ: قَالَ رَسُولُ اللّٰهِ: «لَوْ يَعْلَمُ الْمَارُّ بَيْنَ يَدَيِ الْمُصَلّ۪ي مَاذَا عَلَيْهِ لَكَانَ أَنْ يَقِفَ أَرْبَع۪ينَ خَيْرًا لَهُ مِنْ أَنْ يَمُرَّ بَيْنَ يَدَيْهِ» قَالَ الرَّاوِي: لَا أَدْر۪ي قَالَ أَرْبَع۪ينَ يَوْمًا أَوْ أَرْبَع۪ينَ شَهْرًا أَوْ أَرْبَع۪ينَ سَنَةً.
Abdullah ibn Haris ibn Simmə əl-Ənsari (r.a.) Allah Rəsulunun (s.ə.s.) belə buyurduğunu bəyan etmişdir:
“Namaz qılanın qabağından keçən adam bununla nə qədər günah qazandığını bilsəydi, qırx (gün, ay, il) və ya bilmirəm, nə qədər müddət yerində gözləyər, amma namaz qılanın qabağından keçməzdi”.
Hədisi rəvayət edən şəxslərdən Əbu Nadr deyir: “Qırx gün, və ya qırx ay, və ya qırx il dediyini dəqiq xatırlamıram”. [Buxari, Salat 101; Müslim, Salat 261]
Kim Ramazanda inanaraq və savabını Allahdan gözləyərək, Onun rizasını qazanmaq üçün qiyam edərsə (təravih namazı qılarsa), keçmiş günahları bağışlanar.
İmsak dan yeri ağarmağa başlayandan (imsak vaxtından), iftar (axşam namazı) vaxtına qədər ibadət niyyəti ilə yemək, içmək, cinsi əlaqə və digər orucu pozan şeylərdən uzaq durmaq deməkdir. İmsakın ziddi iftardır.
Namaz qılan şəxsin qabağından insanlar rahat keçsin deyə qoyuduğu maneəyə (kürsü, stul, çanta və s.) sütrə deyilir. Divar və ya sabit bir şey də (dirək, ağac, namaz qılan şəxs və s.) sütrə sayılır. Sütrəyə əməl etmək sünnədir.
Qurani-Kərimdə on dörd səcdə ayəsi var. Bu ayələrdən hər hansı birini oxuyan və ya dinləyən səcdə etməlidir. Həmin səcdəyə tilavət səcdəsi deyilir.
Rəsulullah (s.ə.s) beş vaxt fərz namazdan əlavə nafilə namazlar qılaraq ibadət həyatını gözəlləşdirmişdir. Peyğəmbərimizin (s.ə.s) qıldığı nafilə namazlardan biri də duha namazıdır. Duha kəlməsi ərəb dilindən tərcümədə “səhər və ya quşluq vaxtı” deməkdir. Quranın 93-cü surəsi də “Duha” surəsidir. Duha namazına quşluq namazı da deyilir.