Aylıq namaz vaxtları
1. 142 dəfə oxunub ,   0 şərh   Çap et

Allah-Təala Meracda Rəsuluna (s.ə.s) bəzi günahlara Cəhənnəmdə verilən cəzaları göstərmişdir. Bu haqda Peyğəmbərimiz (s.ə.s) buyurur: “Sonra bir camaat gördüm, dodaqları dəvə dodağı kimi idi. Bir dəstə məmur onlara nəzarət edir, dodaqlarını kəsib ağızlarına oddan daş qoyurdular, həmin daşlar ayaqlarından çıxırdı. “Ey Cəbrail! Bunlar kimdir?” – dedim. O: “Yetimlərin malını haqsız yerə yeyənlərdir“, – dedi. Sonra bir camaat gördüm, onların dərisini parça-parça kəsib ağızlarına tıxayırdılar. Onlara: “Yediyiniz kimi yeyin!” – deyirdilər. Bu, onlar üçün ən iyrənc şey idi. “Ey Cəbrail, bunlar kimdir?” – dedim. “Bunlar insanların ətini yeyən və sözlə (iftira və s.) irz-namusuna təcavüz edən sözgəzdirən və fitnəçilərdir“, – dedi. Bir camaat da gördüm ki, qabaqlarına bir süfrə qoyulmuşdu, süfrənin üstündə ən gözəl ətdən kabablar var idi. Ətrafına isə leş düzülmüşdü. Onlar gözəl əti bir kənara qoyub leşləri yeməyə başladılar. “Bunlar kimdir, ey Cəbrail?” – dedim. O: “Bunlar zina edənlərdir“, – dedi. “Allahın halal etdiyini qoyub haram buyurduğunu yeyirlər”. Sonra bir topa insan gördüm, qarınları ev kimi böyük idi. Bunlar Firon ailəsinin yolunun üstündə dayanırlar. Firon ailəsi sabah-axşam oda atılarkən bunların yanından keçir, bu zaman bunlar ayağa qalxmağa cəhd edirlər, ancaq qarınlarının ağırlığı ilə yerə yıxılırlar. Firon ailəsi də bunları əzib keçirlər. “Ey Cəbrail, bunlar kimdir?” – dedim… Dedi: “Onlar faiz yeyənlərdir. Onlar qəbirlərindən ancaq Şeytan toxunmuş (cin vurmuş dəli) kimi qalxarlar“[1]. Bir dəstə qadının köksündən, bir dəstə qadının isə ayaqlarından baş aşağı asıldığını gördüm. “Ey Cəbrail! Bunlar kimdir?” – deyə soruşdum. O da: “Bunlar zina edən və uşaqlarını öldürən qadınlardır“, – dedi[2].


[1] Bəqərə, 2/275.

[2] Buxari, Salət, 1; Ənbiya, 5, 22; Müslim, İman, 263-264.  



Açar sözləri

faiz fitnəkar günah merac zina

Bənzər məqalələr

Günah psixologiyası

Günah qəlbə işləyib onu qaralda-qaralda iman nurunu söndürənədək qatılaşdırır. Hər bir günahda küfrə gedən yol var. Günah tövbə edilib dərhal təmizlənməsə, kiçik bir mənəvi ilan olub qəlbi yaralayır.

Günah işləməmək üçün hansı tədbirləri görmək lazımdır?

Milçəkləri bir-bir öldürməkdənsə, ən yaxşısı, bataqlığı qurut.

Oruc keçmiş günahları bağışlayır

“Hər kim inanaraq və mükafatını yalnız Allahdan gözləyərək Ramazan orucunu tutarsa, onun keçmiş günahları bağışlanar.”

Merac gecəsi

Rəcəb ayının iyirmi yeddinci gecəsi Merac gecəsi adlanır. Bu gecə Uca Allah sonuncu peyğəmbəri Hz. Muhammədi (s.ə.s) bir möcüzə olaraq Məkkədən Qüdsdəki Məscidi-Əqsaya, oradan da meraca yüksəltmişdir. Bu hadisə hicrətdən bir il yarım əvvəl meydana gəlmişdir.

Haramla məkruh arasındakı fərq

Sual: Haramla məkruh arasındakı fərq nədir? Cavab: İslam dinində edilməsi qəti olaraq qadağan edilən şeylər (davranış, hərəkət və s.) haram sayılır. Dini cəhətdən qadağaları yalnız Allah və Rəsulu (s.ə.s) qoya bilər. Bir şeyin haram buyrulmasının səbəbi həmin şeyin zərərli olmasıdır. Bu haramlıq zərər və ya qadağan edilən şeyin ya özündən qaynaqlanır, ya da dolayı olaraq bir səbəbə isnad edilir.


Şərh yaz


(gərəkli)