16. 552 dəfə oxunub ,   0 şərh   Çap et

Rəsulullah (s.ə.s) bir hədisində “Yahudilərə müxəlifət edin. Çünki onlar, nəleyn (pəncəsiz başmaq) və məstlərlə namaz qılmazlar.”[1] – buyurmuşdur. Bu hədisdən hər zaman corab və məst ilə namaz qılmağın vacib olduğu hökmünü çıxarmaq doğru deyil. Hədisi “Yəhudilər bu şəkildə edir siz etməyin, bəzən ayaqqabı ilə, bəzən də çılpaq ayaqla namaz qılın” şəklində izah bilərik. Nəsai və Əbu Davudun rəvayət etdiyi başqa bir hədisdə isə: “Hz. Peyğəmbər (s.ə.s) Məkkənin fəth edildiyi gün nəleynlərini sol yanına qoyaraq (ayaqyalın) namaz qıldı.”[2] Bəzi səhabələr də “Biz Hz. Peyğəmbərin (ə.s.s) həm ayaqyalın, həm də nəleynləri geyinmiş vəziyyətdə namaz qıldığını gördük.” – deyirlər.[3] Həmçinin Buxarinin əsərini şərh edən Ayni öz əsərində Abdullah ibn Məsuddan (r.a) nəql edir ki, “Biz ayaqqabı niyyəti ilə geyindiyimiz məsti çıxarır altındakı corab kimi nazik olan məstin üzərinə məsh edərdik. Həmişə tarlada işlədiyimiz üçün bu məstlərdən kəskin iy gələrdi. Rəsulullah (s.ə.s) buna görə “ya ayağınızı çıxardaraq yuyun, ya da məst üzərinə məsh edin” − buyurdu.

Bunlara əsasən onu deyə bilərik ki, corabla namaz qılmağın dini hökmü yoxdur. Kişilər ayaqyalın namaz qıla və imamlıq edə bilərlər. Qadınların isə ayaqyalın namaz qılması bəzi alimlərə görə məkruh sayılsa da namazları keçərlidir. Ancaq islaq və çılpaq ayaqla daxil olduqda məsciddəki xalça-palazın kirlənmə ehtimalını nəzərə alaraq corab geymək tövsiyə olunur.  


[1] Əbu Davud, Salət, 89.

[2] Əbu Davud, Salət 89.

[3] Əbu Davud, Salət 89.




Bənzər məqalələr

Təravih namazı neçə rükətdir

Kim Ramazanda inanaraq və savabını Allahdan gözləyərək, Onun rizasını qazanmaq üçün qiyam edərsə (təravih namazı qılarsa), keçmiş günahları bağışlanar.

İmsak vaxtı nədir?

İmsak dan yeri ağarmağa başlayandan (imsak vaxtından), iftar (axşam namazı) vaxtına qədər ibadət niyyəti ilə yemək, içmək, cinsi əlaqə və digər orucu pozan şeylərdən uzaq durmaq deməkdir. İmsakın ziddi iftardır.

Sütrə

Namaz qılan şəxsin qabağından insanlar rahat keçsin deyə qoyuduğu maneəyə (kürsü, stul, çanta və s.) sütrə deyilir. Divar və ya sabit bir şey də (dirək, ağac, namaz qılan şəxs və s.) sütrə sayılır. Sütrəyə əməl etmək sünnədir.

Tilavət səcdəsi

Qurani-Kərimdə on dörd səcdə ayəsi var. Bu ayələrdən hər hansı birini oxuyan və ya dinləyən səcdə etməlidir. Həmin səcdəyə tilavət səcdəsi deyilir.

Duha namazı

Rəsulullah (s.ə.s) beş vaxt fərz namazdan əlavə nafilə namazlar qılaraq ibadət həyatını gözəlləşdirmişdir. Peyğəmbərimizin (s.ə.s) qıldığı nafilə namazlardan biri də duha namazıdır. Duha kəlməsi ərəb dilindən tərcümədə “səhər və ya quşluq vaxtı” deməkdir. Quranın 93-cü surəsi də “Duha” surəsidir. Duha namazına quşluq namazı da deyilir.


Şərh yaz