Aylıq namaz vaxtları
1. 048 dəfə oxunub ,   0 şərh   Çap et

 Sual:Yüz nəfər bir insandan ayrı-ayrı şeylər istəsə, hamısının istədiyini verə bilməz. Halbuki milyonlarca müsəlman eyni anda Allahdan ayrı-ayrı şeylər istəyərək dua edirlər. Obinların hamısını eyni anda necə həll edir?

Birincisi, iradəsi və elmi məhdud olan insanları Allah-Təala ilə müqayisə etmək xətadır. İkincisi, Allahın yaratdığı varlıqlardan elələrini görürük ki, onların nəyə qadir olduğunu (Allahın verməsi ilə) müşahidə edəndə, Allahın nələrə qadir olduğunu ağlımız dərk edə bilir. Məsələn, hər bir hava zərrəciyində dünyada olan bütün radio stansiyalarından, naqilsiz telofonlardan çıxan səslər, televiziya ötürücülərindən yayılan şəkillərlə birlikdə səslər eyni anda toplana bilər. Yəni hər bir hava zərrəciyi bir anda yayılan bütün səslərin mərkəzi ola bilir. Daha ətraflı desək, sanki havanın hər bir zərrəsi bir-birinə qarışdırmadan bütün səsləri eşidir, hiss edir. Eyni zamanda kiçik qulağı ilə eşitdiyi bu səsləri tonu, ədası, şivəsi də daxil olmaqla bütün cəhətləri ilə birlikdə, nərmənazik dili ilə başqa qəbuledicilərə ötürə bilir. Yəni biz radionu dinləyəndə, kimin danışdığını sezə bilirik. Hava zərrələri bu işi görərək, birbirinə qarışdırmadan öhdələrinə düşən digər vəzifələrini də layiqincə yerinə yetirirlər. Halbuki nöqtə boyda bir yerə iki nöqtə qoyulsa, bir-birinə qarışarlar. İki muxtəlif rəngli qələmlə yazılsa belə, yenə qarışar. Halbuki hava zərrələrinin içinə fərqli tezlikli, müxtəlif istiqamətlərdən gələn, müxtəlif dalğa uzunluğuna malik minlərcə səs dalğası gəldiyi halda, qarışmırlar. Eyni zamanda, elektirik enerjisini, işığı, cəzbetmə, dəf etmə qüvvələrini nəql etdiyi kimi, bütün insanların, heyvanların və bitkilərin tənəffüs etmələrinə qulluq edib, bu ehtiyaclarını da ödəyir. Bütün bu vəzifələri heç qarışdırmadan yerinə yetirərkən əlavə olaraq, bitkilər arasında tozlanma yolu ilə çoxalma vəzifəsini də görür və bir işi digərinə mane olmur. Allahın yaratdığı və vəzifələrlə yüklədiyi kiçicik bir hava zərrəciyi bu qədər işləri, həm də mükəmməl bir şəkildə yerinə yetirirsə, onu yaradan Allah üçün nə isə bir işin çətin olduğunu düşünmək doğru olarmı? Bir iş, bir işə, bir səs digərinə, bir istək başqa bir istəyə mane ola bilərmi?



Açar sözləri

dua dualar cavab vermə

Bənzər məqalələr

Maşından dua asmaq olar?

Sual: Maşınlara “Bismillah” yazmaq, kiçik Quranlar, dua mətnləri asmaq və ya yapışdırmaq doğrudurmu?

İzdivac/evlilik namaz və duası

Evlənmək istədiyimiz qadının haqqımızda xeyirli olub-olmamasını öyrənmək üçün iki rükət namaz qılınır və belə dua edilir.

Balıqçı və oğlu

Ata və oğul gölün kənarına gəldilər və tilovu gölə atıb geri qayıtdılar. Bir saat sonra tilovu yoxlamağa gəldilər və bir-neçə balığın tilova düşdüyünü gördülər. Bunu görən uşaq: “Mən tilova balıq düşəcəyini bilirdim”, – dedi. Atası: “Haradan bilirdin?” – deyə soruşdu. Uşaq: “Çünki dua etdim onun üçün”, – deyə cavab verdi… Ata və oğul tilovu yenidən […]

İmtahan duası

Duanın iki növü var: feli (əməli) və sözlə dua. İnsanın üzərinə düşən öhdəlikləri səbəblər dairəsində yerinə yetirməsi, çalışıb səy göstərməsi feli duadır.

Qədr gecəsi duası

Qədr gecəsi hər cür dua oxuna bilər. İnsan həm özünə, həm ailəsinə, həm ölkəsinə, həm də dünyadakı bütün müsəlman qaradaş və bacılarına duada yer ayırmalıdır. Ancaq bu gecə ilə əlaqəli Allah Rəsulundan rəvayət olunan dua bu şəkildədir:  “Allahumma innəkə afuvvun tuhibbul avfa fafuanni” “Allahım! Sən əvf edib bağışlayıcısan. Əfv etməyi sevirsən. Məni də bağışla.”


Şərh yaz


(gərəkli)